અંકલેશ્વર: પવિત્ર શ્રાવણ માસ નિમિત્તે બી ડિવિઝન પોલીસ મથક ખાતે સુંદરકાંડના પાઠનું આયોજન

અંકલેશ્વર બી ડિવિઝન પોલીસ સ્ટેશનમાં શ્રાવણ માસ નિમિત્તે સુંદરકાંડના પાઠનું આયોજન કરવામાં આવ્યું હતું જેમાં પોલીસ અધિકારીઓ અને કર્મચારીઓ જોડાયા હતા.

અંકલેશ્વર બી ડિવિઝન પોલીસ સ્ટેશનમાં શ્રાવણ માસની પાવન ઉજવણી તરીકે એક વિશિષ્ટ ધાર્મિક કાર્યક્રમ સુંદરકાંડના પાઠનું આયોજન કરવામાં આવ્યું હતું.આ કાર્યક્રમનો ઉદ્દેશ પોલીસ કર્મચારીઓ અને સ્થાનિક સમુદાય વચ્ચે એકતા અને શાંતિનો સંદેશ વહેંચવાનો હતો.આ પ્રસંગે, પોલીસ સ્ટેશનના અધિકારીઓ, કર્મચારીઓ અને આસપાસના લોકો એકઠા થયા અને શ્રાવણ માસ નિમિત્તે સુંદર કાંડના સામુહિક પાઠ કર્યા હતા.આ પ્રસંગે અંકલેશ્વર બી ડિવિઝન પોલીસ મથકના પોલીસ ઇન્સ્પેકટર વી.યુ.ગડરીયા સહિતના પોલીસ અધિકારીઓ અને કર્મચારીઓ ઉપસ્થિત રહ્યા હતા.