ભરૂચ: બાર એસો.ની ચૂંટણીમાં ત્રીપાંખીયો જંગ, શાંતિપૂર્ણ માહોલમાં મતદાન

ભરૂચ જિલ્લા બાર એસએસએશનની ચૂંટણીમાં મતદાન પ્રક્રિયા યોજાઈ હતી જેમાં પ્રમુખ પદ માટે ત્રણ ઉમેદવારો વચ્ચે ચૂંટણી જંગ ખેલાયો છે. સમગ્ર ગુજરાતમાં આજરોજ બાર એસોસિએશનની ચૂંટણી યોજાઈ રહી છે ત્યારે ભરૂચ જિલ્લા બાર એસોસિએશનની પણ ચૂંટણીનું આયોજન કરવામાં આવ્યું હતું જેમાં ત્રિપાંખીયો જંગ જોવા મળ્યો હતો.

પ્રથમ વખત ચૂંટણીમાં પરિવર્તન, સહકાર અને સમરસતા પેનલ વચ્ચે મુકાબલો થઈ રહ્યો છે જેમાં પ્રમુખ પદ માટે વર્તમાન પ્રમુખ પ્રદ્યુમનસિંહ સિંધા, અજબખાન સિપાઈ અને બીરેન પટેલ વચ્ચે ચૂંટણી જંગ ખેલાયો છે. ભરૂચ જિલ્લા બાર એસોસીએશનમાં 876 મતદારો નોંધાયેલાં છે. કોર્ટ બિલ્ડિંગ ખાતે સવારે 9.15 વાગ્યાથી મતદાનની શરૂઆત થઇ હતી.

પ્રમુખ, ઉપપ્રમુખ, સેક્રેટરી, ટ્રેઝરર અને કમિટી સભ્યો મળી કુલ 50 ઉમેદવારો મેદાનમાં છે. આજે સાંજ સુધીમાં ચૂંટણીના પરિણામો જાહેર થશે. ત્રણેય પેનલના પ્રમુખ પદના ઉમેદવારોએ પોતપોતાની જીતના દાવા વ્યક્ત કર્યા હતા.