ભાવનગર શહેરના સંસ્કાર મંડળ વિસ્તરમાં ખાનગી માલિકીની જમીનમાં ગેરકાયદેસર બેઝમેન્ટનું ખોદકામ કર્યા હોવાની બાતમી મળતા ખાણ ખનીજ વિભાગ દ્વારા કાયદેસરની કાર્યવાહી હાથ ધરવામાં આવી હતી.

જો તમે તમારી માલિકીની જમીનમાં પણ ખોદકામ કરી ગેરકાયદેસર માટી વહેંચશો તો પણ કાનૂની કાર્યવાહી થશે… આવો જ એક કિસ્સો ભાવનગર શહેરમાંથી સામે આવ્યો છે. ભાવનગર શહેરના સંસ્કાર મંડળ નજીક આવેલ ભાંગલી ગેટ પાસે એક માલિકીના પ્લોટમાં બેઝમેન્ટ માટે ખોદકામ કરીને બારોબાર માટી વહેંચી દેવામાં આવી હતી. જેની બાતમી મળતા ભાવનગર ખાણ ખનીજ વિભાગના અધિકરીઓ સ્થળ પર પહોંચ્યા હતા, અને ખાડાની માપણી કરી જરૂરી કાર્યવાહી હાથ હતી. જોકે, અધિકારીઓના જણાવ્યા અનુસાર, શહેરમાં કોઈ ખાનગી માલિકીની જગ્યામાં બેઝમેન્ટ બનાવવાની માંગ કરવામાં આવી હોય તેની પણ રોયલ્ટી ભરવી ફરજિયાત છે, ત્યારે અનુમતિ વગર જો કોઈ જગ્યાએ આવી રીતે કામગીરી કરવામાં આવે ત્યાં દરોડા પાડી જે તે વ્યક્તિ વિરુદ્ધ દંડનીય કાર્યવાહી કરવામાં આવશે.