ભાવનગર: બસની રાહ જોઈ ઉભેલ વૃદ્ધાને કોલ્ડડ્રિન્કમાં નશીલું પ્રવાહી પીવડાવ્યું,સોનાના દાગીનાની કરી લૂંટ

ભાવનગરની નારી ચોકડી નજીક બસની રાહ જોઈ ઉભા રહેલ વૃદ્ધ મહિલાને કોલ્ડડ્રિન્કમાં નશીલુ દ્રવ્ય પીવડાવી સોનાના ઘરેણાની લૂંટ કરનાર આરોપીની પોલીસે ધરપકડ કરી કાયદેસરની કાર્યવાહી હાથ ધરી છે.

ભાવનગર શહેરના આનંદનગર વિસ્તરમાં રહેતી દેવુબેન ગલાભાઈ ચૌહાણ નામની વૃદ્ધ મહિલા પોતાની દીકરીના ઘરે જવા માટે નારી ચોકડી નજીક બસની રાહ જોઈ ઉભી હતી ત્યારે એક શખ્સે તેમની એકલતાનો ફાયદો લઈને વાતચીત કરી વિશ્વાસમાં લઈને કોલ્ડ ડ્રિન્કમાં નશીલો પદાર્થ પીવડાવી દીધો હતો. આ બાદ અજાણ્યો ઈસમ મહિલાએ પહેરેલ સોનાના દાગીનાની લૂંટ ચલાવી ફરાર થઇ ગયો હતો.વૃદ્ધાને ઇજા પહોંચતા તેમને સારવાર અર્થે ખસેડવામાં આવ્યા હતા.આ બાબતે પોલીસ ફરિયાદ નોંધાતા પોલીસે તપાસ શરૂ કરી હતી જેમાં પોલીસે ઉમરાળા ગામના કાળુ વાઘેલા નામના આરોપીની ધરપકડ કરી કાયદેસરની કાર્યવાહી હાથ ધરી છે.