ભાવનગર : HCG હોસ્પિટલે 7.22 કરોડોનો દંડ ભર્યા વગર PMJAY યોજના ફરી શરૂ કરી દેતા વિવાદ સર્જાયો

• HCG હોસ્પિટલ સામે કાર્યવાહી

• PMJAY યોજનામાં આચરી ગેરરીતિ

• HCGને થયો હતો 7.22 કરોડોનો દંડ

• PMJAY યોજનામાંથી કરાઈ હતી સસ્પેન્ડ

• દંડ ભર્યા વગર જ યોજના શરૂ કરવામાં આવી 

ભાવનગર શહેરની ખાનગી HCG હોસ્પિટલને 7 કરોડ 22 લાખ 90 હજાર 205 રૂપિયાનો દંડ ફટકારવામાં આવ્યો હતો.અને PMJAY યોજનામાંથી પણ હોસ્પિટલને સસ્પેન્ડ કરવામાં આવી હતી.જોકે દંડ ભર્યા વગર જ હોસ્પિટલ દ્વારા યોજના ફરી શરૂ કરી દેવામાં આવી હોવાની માહિતી બહાર આવતા ચકચાર મચી છે.

ભાવનગર શહેરની ખાનગી HCG હોસ્પિટલને 7 કરોડ 22 લાખ 90 હજાર 205 રૂપિયાનો દંડ ફટકારવામાં આવ્યો હતો.અને PMJAY યોજનામાંથી પણ હોસ્પિટલને સસ્પેન્ડ કરવામાં આવી હતી.હોસ્પિટલમાં PMJAY યોજના અંતર્ગત 2 દર્દી પાસેથી સરકારના પત્રમાં ઉલ્લેખ કરાયા મુજબ 6,000 અને 19,000 રૂપિયાનો ચાર્જ વસૂલવામાં આવ્યો છે.તેમજ હોસ્પિટલના કેસનું એનાલિસિસ કરાતા 39 કેસમાં અપ કોડિંગ જોવા મળ્યું હતું. આ સાથે જ હોસ્પિટલમાં ઉપલબ્ધ રેડીએશન મશીનમાં સીબીસીટી શક્ય ન હોવાથી તારીખ 11-07- 2023થી 21-05-2024 દરમિયાન હોસ્પિટલ દ્વારા મૂકવામાં આવેલા રેડિયેશનના કુલ 996 કેસમાંથી 443 કેસો કે જેના સરકાર દ્વારા પેકેજ કોડ આપવામાં આવેલા હતા,તે મશીન દ્વારા સારવાર આપી શકાય નહીં તેમ હોવાથી હોસ્પિટલને સસ્પેન્ડ કરવામાં આવી હતી.

પરંતુ આશ્ચર્યની વાત તો એ છે કે કરોડો રૂપિયાનો દંડ કર્યો હતો, જે દંડની રકમ પણ ભરવામાં આવી નથી અને તેમ છતાં PMJAY યોજના માત્ર ગણતરીની કલાકોમાં ફરી શરૂ કરી દેવામાં આવી છે. સરકારની યોજનામાં મોટા પાયે ગફલત થઇ હોવાની આશંકાને લઈ ભાવનગરની HCG હોસ્પિટલ ઉપર આ મોટી કાર્યવાહી કરવામાં આવી છે. જો સરકાર દ્વારા આની તપાસ કરવામાં આવે તો અન્ય પણ મોટા કૌભાંડ બહાર આવવાની શક્યતાઓ વ્યક્ત કરવામાં આવી છે.