• ભાવનગરમાં મેઘરાજાનો તોફાની અંદાજ

• ચોમાસાની શરૂઆતમાં જ ભારે વરસાદ ખાબક્યો

• પાલીતાણામાં જળબંબાકારની સ્થિતિ

• બે ગામમાં વરસાદી પાણીએ કરી જમાવટ

• પ્રશાસન દ્વારા રાહત બચાવ કામગીરી કરાઈ 

ભાવનગર જિલ્લાના પાલીતાણા શહેર અને તાલુકામાં રવિવારે સાંજથી ધોધમાર વરસાદ શરૂ થયો છે, સોમવારની સવાર સુધીમાં 301 મીમી વરસાદ એટલે કે 12 ઇંચ કરતા વધુ વરસાદ વરસ્યો છે.ભારે અનરાધાર વરસાદ પડતા શહેરમાં ઠેર ઠેર વરસાદી પાણી ભરાઈ ગયા હતા. શહેરમાં ભારે વરસાદથી જળબંબાકારની પરિસ્થિતિ સર્જાઈ છે.

ભાવનગર જિલ્લાના પાલીતાણામાં ચોમાસાની શરૂઆતથી જ મેઘરાજાએ આક્રમક મિજાજ બતાવ્યો છે.રવિવારની સાંજથી સોમવારની સવાર સુધીમાં 12 ઇંચ વરસાદ ખાબક્યો હતો.જેના કારણે જનજીવન ભારે પ્રભાવિત થયું હતું.બીજી તરફ ભારે વરસાદના કારણે સેજળીયા અને મોખડકા ગામમાં વરસાદના પાણી ઘુસી ગયા હતા, હાલ ગ્રામજનોની મદદ માટે પાલીતાણાનું સ્થાનિક પ્રશાસન અને તળાજાથી ફાયર વિભાગની ટીમ દ્વારા બચાવ કામગીરી  શરૂ કરવામાં આવી હતી.આ ઉપરાંત વરસાદી પાણીમાં સેંજળીયા ગામના 10 થી 15 ગ્રામજનો ફસાયા હોવાની પ્રાથમિક જાણકારી મળી રહી હતી.અને પાલીતાણાના મામલતદાર સહિત રેસ્ક્યુ વિભાગની ટીમ તેમજ જિલ્લા પ્રશાસન દ્વારા બંને ગામોમાં ગ્રામજનોને બચાવવા માટે રેસ્ક્યુ હાથ ધરવામાં આવ્યું હતું.

વરસાદી પાણીમાં ફસાયેલા 14 જેટલા લોકોને જેસીબીની મદદથી સુરક્ષિત રીતે બહાર કાઢવાનો પ્રયાસ કરવામાં આવ્યો હતો.વધુમાં ભારે વરસાદને કારણે વીજ પુરવઠો પણ ખોરવાઇ ગયો હતો.