ભાવનગર : રીક્ષા ભાડું માંગતા જ ઘોઘારોડ પોલીસ મથક બહાર માથાભારે શખ્સે પથ્થર મારી રીક્ષાનો કાચ તોડ્યો..!

શહેરમાંથી પોલીસને પડકાર ફેંકતો કિસ્સો સામે આવ્યો

ઘોઘારોડ પોલીસ મથકના મુખ્ય ગેટ નજીકની ઘટના

રીક્ષાનું ભાડું માંગતા માથાભારે શખ્સે પથ્થર ઉપાડ્યો

જગડાએ ઉગ્ર સ્વરૂપ ધારણ કરતાં રીક્ષાનો કાચ તોડ્યો

રીક્ષા ચાલકે ઘોઘારોડ પોલીસ મથકે ફરિયાદ નોંધવી

ભાવનગર શહેરમાં પોલીસને પડકાર ફેંકતો કિસ્સો સામે આવ્યો છે. ઘોઘારોડ પોલીસ મથકના ગેટ નજીક રીક્ષાના કાચ તોડવામાં આવ્યા હતા. જેમાં માત્ર રીક્ષા ભાડું માંગતા આરોપીએ પથ્થર ઉપાડ્યો અને રીક્ષાનો કાચ ફોડી નાખ્યો હતો.

ભાવનગર શહેરના ઘોઘાગેટ પાસેથી પ્રતીક ગોહિલ નામના રીક્ષા ચાલકે સચિન મકવાણા નામના શખ્સને ઘોઘારોડ પોલીસ મથક સુધીનું ભાડું બંધાવ્યું હતું, જ્યાં રીક્ષા ચાલકે સચિન મકવાણા પાસે ઘોઘારોડ પોલીસ મથકે પહોંચીને રીક્ષા ભાડું માંગ્યું હતું. જેના લીધે પ્રતિક સાથે જગડો થતાં ઉશ્કેરાઈ જઈ સચિન  મકવાણાએ રીક્ષાનો કાચ પથ્થર મારીને ફોડી નાખ્યો હતો. આ અંગે પ્રતીક ગોહિલ દ્વારા ઘોઘારોડ પોલીસ મથકમાં ફરિયાદ નોંધવામાં આવી છે, જ્યારે સચિન મકવાણા 20 દિવસ પહેલા રીક્ષા ચોરીના ગુન્હામાં ઝડપાયો હોવાનું પોલીસ તપાસમાં બહાર આવ્યું હતું. અત્રે ઉલ્લેખનીય છે કે, આરોપી પોલીસ મથક બહાર જ રીક્ષાના કાચ તોડવા માટે સહેજ પણ અચકાયો નહીં, અને ગંભીર ગુન્હાને અંજામ આપ્યો હતો.