• હેમચંદ્રાચાર્ય યુનિવર્સિટીમાં દારૂકાંડનો મામલો

• NSUIના કાર્યકર્તાઓએ કર્યું વિરોધ પ્રદર્શન

• કોંગીMLA અને કાર્યકર્તાઓ ભૂખ હડતાલ પર બેઠા

• પોલીસ સાથે સર્જાયું ઘર્ષણ

• પોલીસકર્મી સાથે થઇ લાફાવાળી 

પાટણ હેમચંદ્રાચાર્ય યુનિવર્સિટીની બોય્સ હોસ્ટેલમાં થયેલી દારૂની મહેફિલ મામલે પોલીસ ફરિયાદ કરવાની માંગ સહિતના વિવિધ મુદ્દાઓને લઈને મામલો ગરમાયો હતો.કોંગી ધારાસભ્યની હાજરીમાં જNSUIના કાર્યકર્તાઓ સાથે ઘર્ષણ સર્જાયું હતું,અને પોલીસકર્મીને એક યુવકે લાફો ઝીંકી દીધો હોવાના વિડીયો સામે આવ્યા હતા.

પાટણની હેમચંદ્રાચાર્ય યુનિવર્સિટીમાં તારીખ 8 ડિસેમ્બર રવિવારે રાત્રે યુનિવર્સિટીની હોસ્ટેલમાં રોકાયેલા બાસ્કેટ બોલના ખેલાડીઓએ એક રૂમમાં દારૂની મહેફિલ માણી હતી.ખેલાડીઓની દારૂની મહેફિલ દરમિયાન રેક્ટરે અટકાવતા દાદાગીરી કરી તેમને રૂમમાં પૂરી ભાગવાનો પ્રયાસ કર્યો હતો.આ મામલે યોગ્ય કાર્યવાહીની માંગ કરીનેNSUI અને કોંગી ધારાસભ્ય કિરીટ પટેલ દ્વારા ચીમકી આપવામાં આવી હતી.

જેના પગલે આજે ધારાસભ્ય સહિત NSUIના સભ્યો યુનિવર્સિટીમાં ભૂખહડતાળ પર ઊતર્યા હતા.અને સૂત્રોચ્ચાર કરીને ઉતર ગુજરાત યુનિવર્સિટીમાં ઘૂસ્યા હતા, જ્યાં પોલીસે ગેટ બંધ કરી દેતાં ધારાસભ્ય અને NSUI કાર્યકર્તાનું પોલીસ સાથે ઘર્ષણ થયું હતું. મામલો વધુ ઉગ્ર થતાં ગાળાગાળીનાં દૃશ્યો સર્જાયાં હતાં. અને એક યુવકે ધારાસભ્ય અને પોલીસ ઈન્સ્પેકટરની હાજરીમાં જ પોલીસકર્મીને લાફો ઝીંકી દીધો હતો.

જે ઘટનાનો વિડીયો પણ વાઇરલ થયો છે. ત્યાર બાદ કુલપતિની ચેમ્બરમાં ઘૂસી કડક ચેતવણી આપીને ધરણાં પ્રદર્શન પર બેઠા હતા. જોકે કુલપતિએ મુખ્યમંત્રી, ગૃહમંત્રી અને એસપીને રજૂઆત કરતા મામલો થાળે પડ્યો હતો.