સાબરકાંઠા જિલ્લાના પ્રાંતિજ ખાતે ભારત વિશ્વ કપ વિજય બાદ દિવાળી જેવો માહોલ જોવા મળ્યો હતો , ક્રિકેટ રસિકોમા અનેરો આનંદ જોવા મળ્યો હતો. લોકો રોડ ઉપર આવી ઢોલ નગારા વગાડી ફટાકડા ફોડી જીતનો ઉત્સવ મનાવ્યો હતો.
શનિવારના રોજ ઇન્ડીયા અને દક્ષિણ આફિકા વચ્ચે ફાઇનલ મેચને લઈને સવાર થીજ ક્રિકેટ પ્રેમીઓમા ભારતની જીતને લઈને ઉત્સાહ જોવા મળ્યો હતો અને સાંજના સમયે મેચ ચાલુ થતા ક્રિકેટ પ્રેમીઓ ટીવી સ્ક્રીન આગળ ગોઠવાઈ ગયા હતા. તો લોકો પોતાના ઘરોમાં કે મોબાઈલમા મેચ જોવાનો આનંદ વ્યક્ત કર્યો હતો અને મોડી રાતે ટીમ ઇન્ડિયાએ દક્ષિણ આફ્રિકા પર સાત રને રોમાંચક ટાઈટલ જીત્યા બાદ સમગ્ર દેશના રસ્તાઓ પર એક એવું દ્રશ્ય જોવા મળ્યું જે ભાગ્યે જ જોવા મળે છે.
પ્રાંતિજ ખાતે તો જાણે દિવાળી જેવો માહોલ નજરે પડ્યો હતો. પ્રાંતિજ ખાતે સામાન્ય થી લઈને દરેક વર્ગના લોકો રસ્તા પર ઉતરી આવ્યા હતા લોકોએ રસ્તાઓ પર ફટાકડા ફોડીને અને ઢોલના તાલે નાચીને ભારતની જીતની ઉજવણી કરી એકબીજાને અભિનંદન પાઠવ્યા હતા તો પ્રાંતિજ ભાંખરીયા બસસ્ટેશન , સોનીવાડા નાકા , વેરાઇ મંદિર ચોક , આંટીયાવાસ , નાનીભાગોળ સહિતના વિસ્તારોમા ક્રિકેટ રસિકોએ ભારતની જીત બાદ ફટાકડા ફોડી ખુશી વ્યક્ત કરી હતી અને ક્રિકેટ પ્રેમીઓ હાથમા રાષ્ટ્ર ધ્વજ લઈને તિરંગો લહેરાવી એકઠા થઈને ભારત માતાકી જય , જય શ્રીરામ , વંદે માતરમના નારા સાથે જીતની ખુશી વ્યક્ત કરી હતી અને ભારત ની જીતનો ઉત્સવ મનાવ્યો હતો.