By
New Update
/connect-gujarat/media/post_banners/fe1752fd777072ebb3efc3e14ea0f30fb49cfbbac8d723c98b463091df73e2dd.jpg)
ગુજરાતમાં દારૂ બંધી હોવાથી બુટલેગરો દારૂ ઘુસાડવા માટે અવનવા કિમીયા અજમાવતાં રહે છે. દાહોદ પોલીસે પાણીના ટેન્કરમાં કરાતી દારૂની હેરાફેરીનો પર્દાફાશ કર્યો છે.
દાહોદ પોલીસના સ્પેશિયલ ઓપરેશન ગૃપના પીઆઇ એચ.પી.કરેણ, પીએસઆઇ બી.એ.પરમાર તથા તેમની ટીમ ધાનપુર પોલીસ સ્ટેશન વિસ્તારમાં વાહન ચેકીંગ કરી રહી હતી. તે દરમ્યાન પોલીસને બાતમી મળી હતી કે,વાસીયા ડુંગરી તરફથી એક ઈસમ તેના નંબર વગરના ટ્રેક્ટરની પાછળ પાણીના ટેન્કરમાં દારૂની પેટીઓ ભરીને દેવગઢ બારીયા તરફ જવાનો છે. બાતમીના આધારે પીપેરો ગામ નજીક વોચ ગોઠવીને રતનસિંહ રાજપુતને ટેન્કર સાથે ઝડપી પાડયો હતો. ટેન્કરમાં પાણીના બદલે વિદેશી દારૂ તથા બિયરની પેટીઓ મળી આવી હતી. પોલીસે 3 લાખ રૂપિયાનો દારૂનો જથ્થો તથા ટેન્કર મળી કુલ 6.14 લાખ રૂપિયાનો મુદ્દામાલ જપ્ત કરી કાયદેસરની કાર્યવાહી હાથ ધરી છે.
/connect-gujarat/media/media_files/2024/10/31/3gifa.gif)
Latest Stories