દાહોદ: ખાનગી લક્ઝરી બસ પલટી જતા અકસ્માત, મુસાફરોનો આબાદ બચાવ

દાહોદના રામપુરા નજીક ખાનગી લક્ઝરી બસ પલટી જતા દોડધામ મચી જવા પામી હતી જો કે બસમાં સવાર તમામ મુસાફરોનો આબાદ બચાવ થયો હતો

દાહોદના રામપુરા નજીક આજે વહેલી સવારના 5:00 વાગ્યાના સમયગાળા દરમિયાન ઇન્દોર જઈ રહેલી ખાનગી લક્ઝરી બસનું આગળનું ટાયર ફૂટતા ચાલકે સંતુલન ગુમાવતા ખાનગી બસ ડિવાયડર પર ચડીને સામેના રોડ ઉપર પલ્ટી મારી ગઈ હતી. બનાવની જાણ થતા જ પોલીસ કાફલો ઘટના સ્થળે દોડી આવ્યો હતો અને બસમાં ફસાયેલા મુસાફરોને બહાર કાઢવામાં આવ્યા હતા. આ ઘટનામાં મોટી જાનહાની ટળી હતી જો કે ઇજાગ્રસ્તોને સારવાર અર્થે નજીકની હોસ્પિટલમાં ખસેડવામાં આવ્યા હતા