• સાસણ ગીરમાંથી ઝડપાયું જુગારધામ

• ધ ગીર રિસોર્ટમાં ચાલતું હતું જુગારધામ

• LCBની ટીમને મળી મોટી સફળતા

• પોલીસે 55 જુગારીયાઓની કરી ધરપકડ

• રોકડ સહિત 2.90 કરોડનો મુદ્દામાલ જપ્ત

ગીર સોમનાથના સાસણ ગીરના રિસોર્ટમાં જુગારધામ ઝડપાયું હતું.ધ ગીર પ્રાઈમ રિસોર્ટમાં જુગારધામ ચાલતું હતું.LCB પોલીસે 55 જુગારીઓને 2 કરોડ 90 લાખના મુદ્દામાલ સાથે ઝડપી પાડ્યા હતા.

પ્રવાસન સ્થળ સાસણ ગીરમાં પોલીસ દ્વારા એક મોટી કાર્યવાહી હાથ ધરવામાં આવી છે. સ્થાનિક ક્રાઈમ બ્રાન્ચે એક બાતમીના આધારે સાસણ ગીર નજીકના રિસોર્ટમાં દરોડો પાડીને જુગાર રમતા 55 લોકોને ઝડપી પાડ્યા છે. આ દરોડા દરમિયાન પોલીસે 2 કરોડ 90 લાખ રૂપિયાનો મુદ્દામાલ પણ જપ્ત કર્યો છે.

પોલીસ પાસેથી મળતી માહિતી અનુસાર LCB પોલીસને સાસણ ગીર નજીક આવેલ "ધ પ્રીમિયર રિસોર્ટ" માં મોટાપાયે જુગાર રમાતો હોવાની બાતમી મળી હતી. આ બાતમીના આધારે પોલીસે રિસોર્ટ પર દરોડો પાડ્યો હતો. દરોડા દરમિયાન પોલીસે જુગાર રમતા 55 લોકોને રંગેહાથ ઝડપી પાડ્યા હતા.55 આરોપીઓ પૈકી 16 જુગારીયા અગાઉ પણ અન્ય ગુન્હામાં સંડોવાયેલા છે.

પોલીસની આ કાર્યવાહીથી સાસણ ગીર અને આસપાસના વિસ્તારોમાં ખળભળાટ મચી ગયો છે. પોલીસના જણાવ્યા અનુસાર આવા ગેરકાયદેસર પ્રવૃત્તિઓ ચલાવતા લોકો સામે કડક કાર્યવાહી કરવામાં આવશે. હાલ પોલીસ દ્વારા આ સમગ્ર મામલે વધુ તપાસ હાથ ધરવામાં આવી રહી છે.