ગુજરાત હાઈકોર્ટ દ્વારા રાજ્યની અદાલતોના 466 ન્યાયાધીશની બદલી

ગુજરાત હાઈકોર્ટ દ્વારા રાજ્યના 203 સિવિલ જજ, 200 સિનિયર સિવિલ જજની આંતર જિલ્લા બદલી કરવામાં આવી છે. આ સિવાય ડિસ્ટ્રિક્ટ જજની કેડરમાં 63 જજને અન્ય જિલ્લાઓમાં નિયુક્ત કરાયા છે.

આ બદલીમાં 96 સિવિલ જજની એ જ કોર્ટ સંકુલમાં અન્યત્ર ટ્રાન્સફર કરવામાં આવી છે. જેમાં અમદાવાદ, મહેસાણા અને ભરૂચના 7, વડોદરાના 10, સુરતના 8, આણંદ અને બનાસકાંઠાના 5, ગાંધીનગર અને કચ્છના 4, બોટાદ અને સાબરકાંઠાના 3, ભાવનગર-જામનગરના 2, ખેડા અને જૂનાગઢના 1નો સમાવેશ થાય છે.

જોકે, આ સિવાય 200 સિનિયર સિવિલ જજની અન્ય જિલ્લાઓમાં બદલી કરવામાં આવી છે, તો 46 જજની એ જ કોર્ટ સંકુલમાં ટ્રાન્સફર આપવામાં આવી છે. જેમાં અમદાવાદના 15 જજનો સમાવેશ થાય છે. આ ઉપરાંત, હાઈકોર્ટ દ્વારા ડિસ્ટ્રિક્ટ જજ કેડરના 63 ન્યાયાધીશોને પણ અન્ય જિલ્લામાં ટ્રાન્સફર આપી છે. જ્યારે 48 જેટલા જયુડીશીયલ ઓફિસરોને સેશન્સ જજ તરીકે નિમણૂક આપવામાં આવી છે. જેમાં અમદાવાદના 6 ન્યાયાધીશોનો સમાવેશ થાય છે.