ગુજરાત : ધમાકેદાર વરસાદનો રાઉન્ડ થશે શરૂ,6 દિવસ મેઘો મંડાશે, કેટલાક જિલ્લાઓમાં એલર્ટ

• વરસાદ પુનઃ કરશે પાણી પાણી

• હવામાન વિભાગની આગાહી

• છ દિવસ વરસશે મુશળધાર વરસાદ

• ઉત્તર,મધ્ય,દક્ષિણ ગુજરાતમાં એલર્ટ

• યલો અને ઓરેન્જ એલર્ટ જાહેર કરાયું

ગુજરાત રાજ્યના હવામાન વિભાગે આગામી 29 જુલાઈ સુધી ભારેથી અતિભારે વરસાદની આગાહી કરી છે. જેમાં 27-28 જુલાઈના રોજ રાજ્યના મોટાભાગના વિસ્તારોમાં ધોધમાર વરસાદને લઈને હવામાન વિભાગે યલો-એલર્ટ જાહેર કર્યું છે.

 ગુજરાતમાં ફરીથી ધમાકેદાર વરસાદનો રાઉન્ડ શરૂ થવાનો છે,જેમાં હવામાન વિભાગની આગાહી મુજબ 24-25 જુલાઈના રોજ છોટા ઉદેપુર, નર્મદા, તાપી, ડાંગ, નવસારી, વલસાડ જિલ્લાના છૂટાછવાયા સ્થળોએ ભારે વરસાદને લઈને યલો એલર્ટ જાહેર કર્યું છે. જ્યારે 26 જુલાઈએ અમરેલી, ભાવનગર, ભરૂચ, નર્મદા, સુરત, તાપી, નવસારી, ડાંગ, વલસાડ, છોટાઉદેપુર, પંચમહાલ, મહીસાગર, દાહોદ જિલ્લામાં યલો એલર્ટ જાહેર કર્યું છે.જ્યારે તારીખ 27 જુલાઈએ દાહોદ, પંચમહાલ, છોટા ઉદેપુર જિલ્લામાં ગાજવીજ સાથે અતિભારે વરસાદને લઈને ઓરેન્જ એલર્ટ અને 23 જિલ્લામાં હવામાન વિભાગે યલો એલર્ટ જાહેર કર્યું છે.જેમાં રાજકોટ, બોટાદ, સુરેન્દ્રનગર, અમરેલી, અમદાવાદ, ભાવનગર, ખેડા, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહીસાગર, આણંદ, વડોદરા, ભરૂચ, નર્મદા, સુરત, તાપી, નવસારી, ડાંગ, વલસાડ જિલ્લામાં ભારે વરસાદની આગાહી કરવામાં આવી છે.

રાજ્યમાં આગામી 28 જુલાઈના રોજ 27 જિલ્લામાં ભારેથી અતિભારે વરસાદની આગાહી છે. જેમાં બનાસકાંઠા, સાબરકાંઠા અને મહેસાણામાં ઓરેન્જ એલર્ટ અને કચ્છ, પાટણ, મોરબી, સુરેન્દ્રનગર, જામનગર, રાજકોટ, બોટાદ, અમદાવાદ, આણંદ, ખેડા, ગાંધીનગર, અરવલ્લી, મહીસાગર, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ જિલ્લામાં યલો એલર્ટ જાહેર કર્યું છે.

આ ઉપરાંત તારીખ 29 જુલાઈએ કચ્છ,પાટણ, બનાસકાંઠા, મહેસાણા, સાબરકાંઠા, અરવલ્લી, મહીસાગર, નવસારી, વલસાડ જિલ્લામાં ભારે વરસાદને લઈને હવામાન વિભાગે યલો એલર્ટ જાહેર કર્યું છે.