જામનગર: દાદા ભગવાન ફાઉન્ડેશન દ્વારા ત્રિદિવસીય સત્સંગનો કાર્યક્રમ યોજાયો, અનેક મહાનુભાવો રહ્યા ઉપસ્થિત

જામનગરમાં દાદા ભગવાન ફાઉન્ડેશન દ્વારા ત્રિદિવસીય સત્સંગ, ધ્યાન અને પ્રશ્નોતરીના કાર્યક્રમનું આયોજન કરવામાં આવ્યું હતું જેમાં ધારાસભ્ય સહિતના મહાનુભાવો ઉપસ્થિત રહ્યા હતા

જામનગરના આંગણે દાદા ભગવાન ફાઉન્ડેશન દ્વારા પ્રદર્શન મેદાનમાં ત્રિદિવસીય સત્સંગ, ધ્યાન અને પ્રશ્નોતરીના કાર્યક્રમનું આયોજન કરવામાં આવ્યું હતું.આ પ્રસંગે પૂજ્ય દીપકભાઈના સાનિધ્યમાં પોતાના સાચા સ્વરૂપની ઓળખાણ થકી જીવનના સુખ અને દુખમાંથી કાયમી મુક્તિનો અનુભવ કરાવતા સત્સંગ તથા જ્ઞાનવિધિનો કાર્યક્રમ યોજાયો હતો.પ્રથમ દિવસે જામનગરના ધારાસભ્ય રિવાબા જાડેજા, દિવ્યેશભાઈ અકબરી, મેયર બિનાબેન કોઠારી, શહેર ભાજપ અધ્યક્ષ ડો. વિમલભાઈ કગથરા, સ્ટેન્ડિંગ કમિટી ચેરમેન મનીષ કટારીયાએ પૂજ્ય દીપકભાઈના આશીર્વાદ પ્રાપ્ત કર્યા હતા.