/connect-gujarat/media/agency_attachments/5PErb413EtRt9mAWko3r.png)
માંગરોળ નજીક ઓઝત નદીનો પાળો તૂટતા પાણી જ પાણી
માંગરોળ તાલુકાના 18 ગામો બેટમાં ફેરવાતા સંપર્ક વિહોણા
ખેતરો, ઘરો અને ગલીઓમાં માત્ર પાણી જ પાણી નજરે પડ્યું
ગામો સંપર્ક વિહોણા બનતા લોકો મુકાયા છે ભારે મુશ્કેલીમાં
ગામોને જોડતા તમામ રસ્તાઓ બંધ થતાં લોકોને હાલાકી
જુનાગઢ જિલ્લાના માંગરોળ નજીક ઓઝત નદીનો પાળો તૂટતા માંગરોળ તાલુકાના 18 ગામો સંપર્ક વિહોણા બનતા લોકો ભારે મુશ્કેલીમાં મુકાયા છે. જુનાગઢ જિલ્લામાં છેલ્લા 24 કલાકથી અનરાધાર વરસાદે મેઘતાંડવ જેવી પરિસ્થિતિ સર્જી છે, ત્યારે માંગરોળ નજીક ઓઝત નદીનો પાળો તૂટતા માંગરોળ તાલુકાના 18 ગામો સંપર્ક વિહોણા બનતા લોકો ભારે મુશ્કેલીમાં મુકાયા છે.
ગત તા. 1 જુલાઈએ વરસેલા વરસાદના કારણે બામણસા-ઘેડ પંથક નજીક ઓઝત નદીનો પાળો તૂટી પડ્યો છે. જેના પગલે પંધરપુર, હન્ટરપુર, મેખડી, સામાયાડા, પાંધા અને બોડાદર સહિત માંગરોળના તમામ ગામોમાં પાણી ફરી વળ્યા છે. તમામ ગામો ટાપુમાં ફેરવાતા ગામોને જોડતા તમામ રસ્તાઓ બંધ થઈ ગયા છે. ગામ બેટમાં ફેરવાતા ખેતરો, ઘરો અને ગલીઓમાં માત્ર પાણી જ પાણી નજરે પડે છે. જોકે, તાલુકાના 18 ગામો સંપર્ક વિહોણા લોકોને હેરાન પરેશાન થવાનો વારો આવ્યો છે.