આજથી નવરાત્રિ મહોત્સવનો થઈ રહ્યો છે પ્રારંભ
જુનાગઢ જિલ્લા પોલીસ વડા દ્વારા સુંદર આયોજન
ફરજમાં રોકાયેલા પોલીસકર્મીઓ માટે આયોજન
પોલીસ પરિવાર માટે રક્ષા નવરાત્રી મહોત્સવ યોજાયો
મોટી સંખ્યામાં પોલીસ પરિવારના સભ્યો ગરબે ઘૂમ્યા
નવરાત્રી દરમ્યાન પોલીસકર્મીઓ 24 કલાક પોતાની ફરજમાં રોકાયેલા હોય છે, ત્યારે જુનાગઢ ખાતે જિલ્લા પોલીસ વડા દ્વારા પોલીસ પરિવાર માટે રક્ષા નવરાત્રીનું આયોજન કરવામાં આવ્યું હતું.
આજથી 9 દિવસ માટે દુનિયાના સૌથી લાંબા નૃત્ય મહોત્સવ નવરાત્રિ મહોત્સવનો પ્રારંભ થઈ રહ્યો છે, ત્યારે જુનાગઢ જિલ્લા પોલીસ વડા હર્ષદ મહેતા દ્વારા એક દિવસ રક્ષા નવરાત્રીનું આયોજન કરવામાં આવ્યું હતું. નવરાત્રીના 9 દિવસ દરમ્યાન તમામ પોલીસકર્મી સહિતના પોલીસ અધિકારીઓ લોકોની સુરક્ષા અને સલામતી માટે પોતાની ફરજમાં રોકાયેલા હોય છે, ત્યારે એક દિવસ અગાઉ પોલીસ પરિવાર અને અધિકારીઓ ગરબે ઘૂમી શકે તે માટે રક્ષા નવરાત્રીનું સુંદર આયોજન કરવામાં આવ્યું હતું. જેમાં મોટી સંખ્યામાં પોલીસ પરિવાર ગરબે ઘૂમી એકમેકને નવરાત્રિ પર્વનું શુભેચ્છાઓ પાઠવી હતી.