પાટણ: સિદ્ધપુરમાંથી એક શંકાસ્પદ મૃતદેહના અવશેષો મળતા ચકચાર,પાઇપ લાઇનમાંથી મળી આવ્યા અવશેષો

પાટણ જિલ્લાના સિદ્ધપુરમાંથી એક શંકાસ્પદ મૃતદેહના અવશેષો મળતા ચકચાર મચી જવા પામી હતી.

પાટણ સિદ્ધપુરની ઉપલી શેરી વિસ્તારમાં છેલ્લા ચાર દિવસથી પીવાનું પાણી આવવાનું બંધ થઈ ગયું હતું. જેથી નગરપાલિકાની ટીમ દ્વારા પાઈપલાઈનની તપાસ હાથ ધરવામાં આવી હતી. જેમાં ઉપલી શેરી વિસ્તારમાં ખોદકામ કરવામાં આવતા પાઈપલાઈનમાંથી શંકાસ્પદ મૃતદેહના અવશેષો મળી આવ્યા હતા. જે અવશેષો મળી આવ્યા હતા તે કોહવાઈ ગયેલી હાલતમાં હતા. પાઈપલાઈનમાંથી જેટલા અવશેષો મળ્યા તેને હાલ સિદ્ધપુર સિવિલમાં પીએમ માટે મોકલવામાં આવ્યા છે.