પાટણ : કલેક્ટર ઓફિસને બોમ્બથી ઉડાવી દેવાની મળી ધમકી,પોલીસે બોમ્બ સ્ક્વોડની મદદથી શરૂ કરી તપાસ

• બોમ્બથી ઉડાવી દેવાની વધુ એક ધમકી

• પાટણ કલેક્ટરને મળ્યો ધમકી ભર્યો ઈમેલ

• કલેકટરના ઈમેલ આઈડી પર આવ્યો ઈમેલ

• 200 કર્મચારીઓને સુરક્ષિત સ્થળ પર ખસેડવામાં આવ્યા

• પોલીસે બોમ્બ સ્કવોડની મદદથી શરૂ કરી તપાસ

પાટણમાં કલેક્ટર કચેરીને બોમ્બથી ઉડાવી દેવાની ધમકી આપવામાં આવી છે. જિલ્લા કલેક્ટરના ઈમેલ પર બોમ્બ બ્લાસ્ટની ધમકી આપવામાં આવી છે. કલેક્ટર ઓફિસને બોમ્બની ધમકી મળતા જ બોમ્બ ડિસ્પોઝલ સ્કવોડ ઘટનાસ્થળે દોડી આવીને તપાસ હાથ ધરી છે.

રાજ્યમાં છેલ્લા ઘણા સમયથી સ્કૂલ,કોલેજ,ખાનગી ઉદ્યોગ સહિતના સ્થળોએ બોમ્બ બ્લાસ્ટ અંગેની ધમકી ભર્યા ઈમેલ મળી રહયા છે.ત્યારે વધુ એક ઈમેલ પાટણના જિલ્લા કલેકટર અરવિંદ વિજયનને એક ધમકી ભર્યો ઈમેલ મળ્યો હતો,જેમાં પાટણ કલેકટર કચેરીને બોમ્બથી ઉડાવી દેવાની ધમકી આપવામાં આવી હતી.

પાટણ કલેક્ટર ઓફિસમાં 3 વાગ્યે બોમ્બની ધમકી મળી હતી. જેને લઈને 200થી વધુ કર્મચારીઓને કલેક્ટર ઓફિસમાંથી બહાર કાઢવામાં આવ્યા હતા. આ ધમકીને પગલે પોલીસનો કાફલો અને  બોમ્બ ડિસ્પોઝલ સ્કવોડ ઘટના સ્થળે દોડી આવ્યો હતો,અને કલેક્ટર કચેરીના કેમ્પસમાં તપાસ હાથ ધરવામાં આવી હતી. આ ધમકી ભરેલો મેઇલ મજાક મસ્તીમાં કરવામાં આવ્યો છે કે કેમ તેને લઈને પણ તપાસ કરવામાં આવી રહી છે.જોકે બોમ્બથી ઉડાવી દેવાની ધમકીને પગલે કર્મચારીઓમાં ફફડાટ વ્યાપી ગયો હતો.