પોરબંદર :  ગાંધીજીની વિરાસત અને આધુનિક સમુદ્રી પ્રવાસનનો સંગમ દરેક ગુજરાતી માટે આકર્ષણનું કેન્દ્ર બન્યો

• પોરબંદર નવા અવતારમાં સજ્જ થઈ રહ્યું છે

• ગાંધીજીની વિરાસત બની પ્રવાસનનો સંગમ

• દરિયાકિનારો પ્રવસીઓમાં મુખ્ય આકર્ષણ બન્યો

• ‘સી-ફ્રન્ટ’ ગુજરાતના તટીય વિકાસનું જીવંત ઉદાહરણ

• ગાંધી સર્કિટ’ અને કોરિડોર’ શહેરના ઐતિહાસિક વારસો

માધવપુર બીચ પર આંતરરાષ્ટ્રીય ધોરણો મુજબ તૈયાર થયેલો ‘સી-ફ્રન્ટ’ ગુજરાતના તટીય વિકાસનું જીવંત ઉદાહરણ છે. અહીંની સ્વચ્છતા, એટીવી રાઈડ અને કેમલ રાઈડ જેવી સુવિધાઓ પ્રવાસીઓને વૈશ્વિક કક્ષાનો અનુભવ કરાવી રહી છે. દ્વારકા અને સોમનાથ આવતા શ્રદ્ધાળુઓ માટે પણ હવે આ દરિયાકિનારો મુખ્ય આકર્ષણ બન્યો છે.

વોકિંગ પાથવે અને મનમોહક રોશનીએ ચોપાટીનો નજારો બદલી નાખ્યો છે. આ વિકાસ માત્ર સમુદ્ર પૂરતો મર્યાદિત નથી,‘ગાંધી સર્કિટ’ અને ‘ગાંધી કોરિડોર’ દ્વારા શહેરના ઐતિહાસિક વારસાને પણ વૈશ્વિક સ્તરે ચમકાવવાનું આયોજન છે. આ સાથે જ, વિસાવડાથી હર્ષદ માતા સુધીના 9 કિલોમીટરના કિનારાને વિકસાવવાની યોજના હવે અંતિમ તબક્કામાં છે.આધુનિક સુવિધાઓ અને ગાંધી વિરાસતનો આ ત્રિવેણી સંગમ પોરબંદરના આંગણે પ્રગતિની નવી લહેર લઈને આવ્યો છે.