સાબરકાંઠા : હિંમતનગરના ખેડૂત હળદરનો પાવડર બનાવી કરે છે વેચાણ, મહિને થાય છે આટલી કમાણી..!

હિંમતનગર તાલુકાના ખેડ ગામના ખેડૂત કનુ પટેલ છેલ્લા 9 વર્ષથી પોતાની જમીનમાં હળદર વાવી તેને પીસી પેકિંગ કરીને વેચાણ કરે છે.

New Update
સાબરકાંઠા : હિંમતનગરના ખેડૂત હળદરનો પાવડર બનાવી કરે છે વેચાણ, મહિને થાય છે આટલી કમાણી..!

સાબરકાંઠા જિલ્લાના હિંમતનગર તાલુકાના ખેડ ગામના ખેડૂત કનુ પટેલ છેલ્લા 9 વર્ષથી પોતાની જમીનમાં હળદર વાવી તેને પીસી પેકિંગ કરીને વેચાણ કરે છે. અને વર્ષે લાખ રૂપિયા કમાણી કરે છે.

સાબરકાંઠા જિલ્લાના હિંમતનગર તાલુકાના ખેડ ગામના ખેડૂત કનુ પટેલ પોતાના ખેતરમાં સીઝન પ્રમાણે અન્ય ખેતી પણ કરે છે. તેઓ છેલ્લા 9 વર્ષથી પોતાની જમીનમાં હળદર વાવી તેને પીસી પેકિંગ કરી વેચાણ કરવા સાથે વર્ષે લાખો રૂપિયાની કમાણી કરી રહ્યા છે. પોતાના ખેતરમાં ઉગેલી હળદરને સદગુરુ નામથી બ્રાન્ડ બનાવી વેચાણ કરે છે. તેમાં પણ છેલ્લા 7 વર્ષથી પાકનો સંપૂર્ણ પ્રાકૃતિક રીતે ઉછેર કરે છે, અને પોતાના ખેતરમાં ઉગેલી હળદરને બહાર કોઈ વ્યાપારીને ન વેચીને જાતે જ તેને પીસીને તેનો પાવડર બનાવી પેકિંગ કરી વેચાણ કરે છે. સંપુર્ણ પ્રાકૃતિક હળદર તેઓ સુભાષ પાલેકર પ્રાકૃતિક ખેતીમાંથી પ્રેરાઈને પોતાની સંપૂર્ણ ખેતી પ્રાકૃતિક રીતે કરે છે. તેમાં હળદરની ખેતી પણ ખાટી છાશ અને વનસ્પતિ અર્કની પ્રાકૃતિક દવા છાંટી ઉછેર કરે છે. તેમના પિતા રામજીભાઈને ખેતીમાં નવીન પ્રયોગો કરવાનો શોખ છે, અને તેમણે આણંદ બાજુના એક મિત્રથી પ્રેરાઈને 9 વર્ષ અગાઉ હળદરની ખેતી કરવાનું નક્કી કર્યું હતું.

Read the Next Article

રાજ્યમાં પાંચ દિવસ ગાજવીજ સાથે વરસાદની કરાઇ આગાહી, એક સાથે ત્રણ સિસ્ટમ થઈ સક્રિય

ગુજરાત પર વરસાદ લાવતી એક સાથે ત્રણ સિસ્ટમ એક્ટિવ હોવાથી હાલ ગુજરાતમાં મેઘરાજાએ જમાવટ કરી છે. દક્ષિણ સહિતના કેટલાક વિસ્તારને છોડીને ધીમી ધારે

New Update
rain varsad

ગુજરાત પર વરસાદ લાવતી એક સાથે ત્રણ સિસ્ટમ એક્ટિવ હોવાથી હાલ ગુજરાતમાં મેઘરાજાએ જમાવટ કરી છે. દક્ષિણ સહિતના કેટલાક વિસ્તારને છોડીને ધીમી ધારે ખેતીના પાકને અનુકૂળ વરસાદ વરસતાં ખેડૂતો ખુશખુશાલ છે.

હવામાન વિભાગે  રાજ્યમાં પાંચ દિવસ ગાજવીજ સાથે વરસાદની આગાહી કરી છે. લો પ્રેશર સિસ્ટમ, અપર એર સાયક્લોનિક સર્ક્યુલેશન સિસ્ટમ સક્રિય છે.  આજે કચ્છમાં ભારેથી અતિભારે વરસાદનું અનુમાન છે. પોરબંદર, દ્વારકા, બનાસકાંઠામાં ભારે વરસાદની આગાહી છે.  સાબરકાંઠા, અરવલ્લી,મહીસાગરમાં ભારે વરસાદનું અનુમાન હવામાન વિભાગે વ્યક્ત કર્યું છે. દાહોદ, પંચમહાલ, નવસારીમાં યલો એલર્ટ જાહેર કર્યું છે. દમણ, દાદરા અને નગરહવેલીમાં પણ યલો એલર્ટ આપવામાં આવ્યું છે.

બંગાળની ખાડીમાં લોપ્રેશર એરિયા બન્યું છે. જે આગળ વધતા ગુજરાતમાં તેની સારી અસર થશે. જે રાજ્યમાં વરસાદ લાવશે. રાજ્ય પર વરસાદ લાવતી હાલ ત્રણ સિસ્ટમ એક્ટિવ છે. જેમાં પાકિસ્તાનની પાસે    સાયક્લોનિક સર્ક્યુલેશન સર્જાયું છે. તો બંગાળની ખાડીમાં લો પ્રેશન એરિયા સર્જાયો છે અને તો એક ટ્રફ રેખા ગુજરાત પરથી પસાર થઇ રહી છે. જેના કારણે ગુજરાતમાં સારો વરસાદ વરસી રહ્યો છે. આ સિસ્ટમના કારણે ગુજરાતમાં વરસાદનું જોર વધશે.  નોંધનિય છે કે, આવતી કાલથી સૌરાષ્ટ્રમાં પવનની ગતિમાં પણ 40થી 50 કિલોમીટરની ઝડપે પવન ફુંકાઇ શકે છે. ગુજરાતમાં ભારે પવન અને ગાજવીજ સાથે વરસાદનું અનુમાન છે. ખાસ કરીને  સૌરાષ્ટ્ર અને કચ્છમાં વરસાદનું જોર વધશે અને બંને ઝોનના કેટલાક જિલ્લામાં ભારેથી અતિભારિ વરસાદનું અનુમાન છે. આ સિવાય દક્ષિણ ગુજરાત અને પૂર્વ ગુજરાતમાં પણ વરસાદનું અનુમાન છે. મધ્યગુજરાત અને ઉત્તર ગુજરાતમાં વરસાદનું પ્રમાણ ઓછું રહેશે.