સચિન હોજીવાલામાં સર્જાય આગની ઘટના

DGVCLની ડીપીમાં બ્લાસ્ટથી યાર્નમાં લાગી આગ

પ્લાસ્ટિક તેમજ કાપડનો જથ્થો બળીને ખાખ

ગંભેણીમાં પણ ચીંદીના ગોડાઉનમાં લાગી આગ

ફાયર બ્રિગેડ દ્વારા આગ પર કાબુ મેળવવાનો પ્રયાસ 

સુરતના સચિન હોજીવાલા વિસ્તારમાં પાર્થ પ્લાસ્ટિક અને પ્લેટિનિયમ ઇન્ટરનેશનલ કાપડની મિલમાં આગ લાગવાની ઘટના સામે આવી છે. પ્લેટિનિયમ ઇન્ટરનેશનલ કાપડની મિલની DGVCLની ડીપીમાં બ્લાસ્ટથી શોર્ટ સર્કિટ થયું હતું. જેને પગલે મિલમાં પડેલા યાર્નના જથ્થામાં આગ લાગી હતી,અને ત્યાર બાદ બાજુમાં જ આવેલી પાર્થ પ્લાસ્ટિકની મિલને પણ આગની ચપેટમાં લઈ લીધી હતી. આગ પ્લાસ્ટિક હોવાને કારણે ખૂબ જ ઝડપથી પ્રસરી ગઈ હતી. બંને કંપનીમાં પડેલી વસ્તુ ખૂબ જ જ્વલનશીલ હોવાને કારણે આગ ખૂબ ઝડપથી પ્રસરી હતી. આગના ગોટેગોટા દૂર સુધી ઉડતા દેખાયા હતા.

આગની ઘટના અંગેની જાણ થતાની સાથે ફાયર બ્રિગેડની ટીમ ફાયર ટેન્ડરો સાથે દોડી આવીને આગ પર પાણીનો મારો ચલાવી કાબુ મેળવવાનો પ્રયાસ શરૂ કર્યો હતો.જ્યારે બીજી બાજુ ગભેણી વિસ્તારમાં આવેલા ચીંદીના ગોડાઉનમાં પણ ભીષણ આગ લાગી હોવાનો બનાવ સામે આવ્યો છે. જોત જોતામાં આગે વિકરાળ સ્વરૂપ ધારણ કર્યું હતું.અને ગોડાઉનમાં કાપડનો જથ્થો હોવાથી આગ વધુને વધુ પ્રસરી હતી.આગે વિકરાળ સ્વરૂપ ધારણ કરતા ફાયર બ્રિગેડ દ્વારા વધુ ફાયરની ટીમ મદદ માટે બોલાવવામાં આવી હતી.અને આગ પર કાબૂ મેળવવાના પ્રયાસો કરવામાં આવ્યા હતા.જોકે સદનસીબે આગની ઘટનામાં કોઈ જાનહાની પહોંચી નહોતી.પરંતુ બંને આગની ઘટનામાં મોટી આર્થિક નુકસાનનો અંદાજ વ્યક્ત કરવામાં આવ્યો છે.