Connect Gujarat
ગુજરાત

સુરેન્દ્રનગર : પાટડીમાં સસ્તા અનાજની દુકાનોમાં અનાજનો જથ્થો નહીં પહોચતા કાર્ડધારકોને હાલાકી

શીતળા સાતમ, જન્માષ્ટમી અને ગણેશ ચતુર્થી પર્વને આડે હવે ગણતરીના દિવસો બાકી રહ્યા છે. તેમ છતાં પાટડી તાલુકાની સસ્તા અનાજની દુકાનોએ તહેવાર નિમિતે રાહત ભાવે આપતા ખાંડ,તેલનો જથ્થો ન પહોંચતા ગરીબોની જન્માષ્ટમી સહિતના તહેવારો બગડવાના એંધાણ મળી રહ્યા છે

સુરેન્દ્રનગર : પાટડીમાં સસ્તા અનાજની દુકાનોમાં અનાજનો જથ્થો નહીં પહોચતા કાર્ડધારકોને હાલાકી
X

શીતળા સાતમ, જન્માષ્ટમી અને ગણેશ ચતુર્થી પર્વને આડે હવે ગણતરીના દિવસો બાકી રહ્યા છે. તેમ છતાં પાટડી તાલુકાની સસ્તા અનાજની દુકાનોએ તહેવાર નિમિતે રાહત ભાવે આપતા ખાંડ,તેલનો જથ્થો ન પહોંચતા ગરીબોની જન્માષ્ટમી સહિતના તહેવારો બગડવાના એંધાણ મળી રહ્યા છે. પાટડી તાલુકામાં તો સસ્તા અનાજના વેપારીઓ ગ્રાહકોને જવાબ આપીને થાક્યા છે.

પાટડી શહેર અને ગ્રામ્ય વિસ્તારમાં સસ્તા અનાજની દુકાને પરવાનેદાર દ્વારા રૂપિયા ભરી દીધા હોવા છતાં તેલ અને ખાંડનો જથ્થો નહીં પહોંચતા ગરીબોનો તહેવાર બગડે તેવી પરિસ્થિતિ સર્જાઈ છે.બીજી તરફ સસ્તા અનાજના વેપારીઓ રાશન કાર્ડ ધારકોને જવાબ આપી આપીને થાક્યા છે. જેથી પુરવઠા વિભાગ વહેલી તકે ખાંડ અને તેલનો જથ્થો દરેક સસ્તા અનાજની દુકાને પહોંચતો કરી ગરીબોનો તહેવાર સુધરે તેવું આયોજન કરે તે જરૂરી હોવાનું લોકો અને પરવાનેદારો જણાવી રહ્યા છે.

સરકાર માન્ય સસ્તા અનાજની દુકાનમાં વિતરણ વ્યવસ્થામા છેલ્લા એક અઠવાડિયાથી સર્વર ડાઉન કે અત્યંત ધીમી ગતિએ ચાલી રહ્યું છે અને બીજી બાજુ શીતળા સાતમ, જન્માષ્ટમી અને ગણેશ ચતુર્થી તહેવાર નિમિત્તે 1 પાઉચ તેલ અને બીપીએલ કાર્ડધારકોને 1 કિલો ખાંડ રૂ. 22ના ભાવની હજુ આજદિન સુધી પાટડી તાલુકામાં કોઈ જ ગામની સસ્તા અનાજની દુકાન પર પહોંચી નથી અને પાટડી અન્ન નાગરીક પુરવઠાના ગોડાઉનમા પણ આવી નથી. એટલે BPL રેશનકાર્ડ ધારકો તહેવાર ઉપર આજ દિવસ સુધી પુરવઠાથી વંચિત છે.

એક બાજુ જાહેરાત મોટી અને વહેલી કરવાની અને જથ્થો પહોચાડવાનુ કામ ઠપ્પ એટલે અંત્યોદય રેશનકાર્ડની તહેવાર ખાંડ આવી પણ BPL રેશનકાર્ડ ધારકોને હજુ તહેવારની 1 કિલો ખાંડ આવી નથી. ગ્રાહકો દરરોજ તહેવારની એક કિલો ખાંડ માટે ધક્કા ખાઇ રહ્યાં છે. અને જો દુકાનદાર ના પાડે કે નથી આવી એમ કહે તો કાર્ડ ધારકો સાથે દુકાનદારોને ઝઘડા થાય છે.

Next Story
Share it