સુરેન્દ્રનગર : CBI દ્વારા જિલ્લા કલેક્ટર કે. રાજેશની "ધરપકડ", લાંચ સહિત જમીન કૌભાંડમાં થઈ હતી 20થી વધુ ફરિયાદ

ગુજરાત સામાન્ય વહીવટ વિભાગમાં જોઇન્ટ સેક્રેટરી તરીકે ફરજ બજાવતા અને તત્કાલીન સુરેન્દ્રનગર જિલ્લાના કલેક્ટર કનકીપતિ રાજેશની ધરપકડ કરવામાં આવી છે. આ સાથે વચેટિયા તરીકે કામ કરતાં રફીક મેમણની પણ ધરપકડ કરવામાં આવી છે. બંનેને અમદાવાદની સ્પેશિયલ સીબીઆઈ કોર્ટમાં રજૂ કરવામાં આવશે.

આ પહેલાં ગુરૂવારની મોડી રાત્રે CBIએ કે. રાજેશની ઓફિસ અને નિવાસસ્થાને દરોડા પાડ્યા હતા. બંદૂકના લાઇસન્સની પરવાનગીમાં લાંચ અને સરકારી જમીન પ્રાઈવેટ વ્યક્તિઓને પધરાવ્યા સહિતની 20થી વધુ ફરિયાદ કર્યા બાદ આ કાર્યવાહી હાથ ધરવામાં આવી હતી. આ સર્ચ ઓપરેશન ગાંધીનગર, સુરેન્દ્રગર, સુરત ઉપરાંત આંધ્રપ્રદેશના રાજામુંદ્રીમાં તેમના નિવાસસ્થાને હાથ ધરવામાં આવ્યું હતું. ફરિયાદ મુજબ, પ્રત્યેક અરજદાર પાસેથી કલેક્ટર કે. રાજેશ દ્વારા રૂપિયા 5 લાખની લાંચ માગવામાં આવતી, જેમાં 4 લાખની રોકડ અને 1 લાખના ચેક પેટે લેતા હતા. આ અંગે ફરિયાદીએ જિલ્લા કલેક્ટર કલેક્ટર કે. રાજેશ સામે ચોંકાવનારા આરોપ મૂક્યા હતા.