• ગુજરાતના વિવિધ જિલ્લાઓમાં તાપમાનમાં વધારો

• આગાહીકારોના અનુમાન અનુસાર વાતાવરણમાં ઉકળાટ

• ઉત્તર પશ્ચિમ અને ઉત્તર દિશા તરફથી પવનોમાં વધારો

• આગામી 5 દિવસ ગરમી યથાવત : હવામાન વિભાગ

• ગુજરાતવાસીઓએ ગરમીનો અનુભવ કરવો પડશે

ગુજરાતના વિવિધ જિલ્લાઓમાં તાપમાનમાં વધારો નોંધાયો છે. તો બીજી તરફ, હવામાન વિભાગના અનુમાન અનુસાર, રાજ્યમાં આગામી 5 દિવસ ગરમીભર્યું વાતાવરણ યથાવત્ રહેશે.

ગુજરાતમાં ફેબ્રુઆરી મહિનાની શરૂઆતથી જ તાપમાનમાં વધારો થવાથી ગરમીનું પ્રમાણ પણ વધ્યું છે. છેલ્લા 24 કલાક દરમિયાન રાજ્યના મોટાભાગના જિલ્લાઓનંિ લઘુત્તમ તાપમાન 2થી 3 ડિગ્રી સેલ્સિયસ સુધી વધતા ગરમીનું પ્રમાણ વધ્યું છે. તથા મહત્તમ તાપમાન પણ કેટલા જિલ્લાઓમાં 35 ડિગ્રી સેલ્સિયસને પાર પહોંચ્યું છે. જોકે, હવામાન વિભાગની આગાહી મુજબ, હજુ પણ આગામી 5 દિવસ ગરમીભર્યું વાતાવરણ યથાવત્ રહેવાની શક્યતાઓ છે.

હાલ તાપમાનમાં ઘટાડાની શક્યતાઓ નહિવત છે, તેથી ગુજરાતવાસીઓએ ગરમીનો અનુભવ કરવો પડશે. ગુજરાતના ઉત્તર પશ્ચિમ અને ઉત્તર દિશા તરફથી પવનો આવી રહ્યા છે, જેના કારણે રાજસ્થાન તરફના મેદાની પ્રદેશની ગરમ હવા ગુજરાત તરફ આવી રહી છે. જેના કારણે તાપમાન સતત વધી રહ્યું છે.