કચ્છ : ચરિયાણ જમીન પર સરકારનો ડોળો હોવાનો અખિલ ભારતીય સેવાદળ કોંગ્રેસના મુખ્ય સંયોજકે કર્યો આક્ષેપ..!

કચ્છ જિલ્લાના ભુજ સ્થિત કોંગ્રેસ ભવન ખાતે અખિલ ભારતીય સેવાદળ કોંગ્રેસના મુખ્ય સંયોજક લાલજી દેસાઈએ બેઠક યોજી હતી.

author-image
By Connect Gujarat in ગુજરાત Featured
New Update

અખિલ ભારતીય સેવાદળ કોંગ્રેસના મુખ્ય સંયોજક લાલજી દેસાઈ કચ્છ જિલ્લાની મુલાકાતે આવી પહોચ્યા હતા. ભુજ શહેર સ્થિત કચ્છ કોંગ્રેસ ભવન ખાતે આયોજિત બેઠકમાં તેઓએ કચ્છની ચરિયાણ જમીન પર સરકારનો ડોળો હોવાનો આક્ષેપ કર્યો હતો.

કચ્છ જિલ્લાના ભુજ સ્થિત કોંગ્રેસ ભવન ખાતે અખિલ ભારતીય સેવાદળ કોંગ્રેસના મુખ્ય સંયોજક લાલજી દેસાઈએ બેઠક યોજી હતી. બેઠક દરમ્યાન લાલજી દેસાઈએ કચ્છની ચરિયાણ જમીન પર સરકારનો ડોળો હોવાનો આક્ષેપ કર્યો હતો. લાલજી દેસાઈએ જણાવ્યું હતું કે, કચ્છના બન્નીની જમીન પર ચિતા પ્રોજેકટ સ્થપવાના નામે જમીન હડપ કરવામાં આવી રહી છે. બન્નીની ભેંસો જે વિશ્વમાં પ્રખ્યાત છે, તે ભેંસને બચાવવાનું તો એક બાજુ પણ વન વિભાગ ઘાસના નામે ઊંડી ખાઈઓ ખોદી ભેંસોને મોતના મુખમાં ધકેલે છે.

તાજેતરમાં જ 15 ભેંસ મૃત્યુ પામી હતી. બન્નીના માલધારીઓ સાથે બેઠક યોજીને આગામી દિવસોમાં કોંગ્રેસ લડતના મંડાણ આપશે તેવી ચીમકી ઉચ્ચારી હતી. ઉપરાંત કચ્છની જમીન સોલાર, પવનચક્કી, ખાણ અને બંદરના નામે આપી દેવામાં આવી છે, જે યોગ્ય નથી. આ રીતે જો જમીનો અપાશે તો જંગલોનો નાશ થશે તે એક હકીકત છે. વધુમાં તેઓએ અદાણી મુન્દ્રામાં આપેલી જમીન મુદ્દે પણ સરકાર પર આક્ષેપ સાથે આકરા પ્રહાર કર્યા હતા.

#Gujarat #Congress #CGNews #Kutch #government #alleged #Akhil Bharatiya Seva Dal #Charian land
Related Articles
Read the Next Article

AAIB એ અમદાવાદ વિમાન દુર્ઘટનાનો પ્રાથમિક રિપોર્ટ સરકારને સોંપ્યો, જાણો શું આવ્યું કારણ ?

રિપોર્ટમાં ફ્લાઇટના બ્લેક બોક્સમાંથી ડેટાનું વિશ્લેષણ સામેલ છે, જે દિલ્હીમાં AAIB લેબમાં ડાઉનલોડ કરવામાં આવ્યું હતું. તપાસમાં ભારતીય વાયુસેના, HAL, NTSB, બોઇંગ અને GE ના નિષ્ણાતોનો સમાવેશ થાય છે.

author-image
By Connect Gujarat Desk in ગુજરાત સમાચાર
New Update
report

AAIB એ અમદાવાદમાં એર ઇન્ડિયા વિમાન દુર્ઘટનામાં નાગરિક ઉડ્ડયન મંત્રાલયને પોતાનો પ્રારંભિક અહેવાલ સુપરત કર્યો છે.

રિપોર્ટમાં ફ્લાઇટના બ્લેક બોક્સમાંથી ડેટાનું વિશ્લેષણ સામેલ છે, જે દિલ્હીમાં AAIB લેબમાં ડાઉનલોડ કરવામાં આવ્યું હતું. તપાસમાં ભારતીય વાયુસેના, HAL, NTSB, બોઇંગ અને GE ના નિષ્ણાતોનો સમાવેશ થાય છે.

AAIB (એરક્રાફ્ટ એક્સિડેન્ટ ઇન્વેસ્ટિગેશન બ્યુરો) એ અમદાવાદ વિમાન દુર્ઘટના અંગેનો પ્રાથમિક અહેવાલ નાગરિક ઉડ્ડયન મંત્રાલય અને અન્ય સંબંધિત એજન્સીઓને સુપરત કર્યો છે. આ અહેવાલ એર ઇન્ડિયા ફ્લાઇટ AI-171 ના ક્રેશ સંબંધિત પ્રારંભિક તારણો પર આધારિત છે.

મંત્રાલયનું કહેવું છે કે ક્રેશ પ્રોટેક્શન મોડ્યુલ (CPM) ને વિમાનના આગળના બ્લેક બોક્સમાંથી સુરક્ષિત રીતે બહાર કાઢવામાં આવ્યું હતું. 25 જૂન, 2025 ના રોજ, તેના મેમરી મોડ્યુલને ઍક્સેસ કરવામાં આવ્યું હતું અને દિલ્હીમાં AAIB લેબમાં ડેટા ડાઉનલોડ કરવામાં આવ્યો હતો.

સૂત્રોએ જણાવ્યું હતું કે, ડેટાની ચોકસાઈની પુષ્ટિ કરવા માટે ‘ગોલ્ડન ચેસિસ’ નામના સમાન બ્લેક બોક્સનો ઉપયોગ કરવામાં આવ્યો હતો. અકસ્માત પછી, પહેલું બ્લેક બોક્સ 13 જૂને એક ઇમારતની છત પરથી અને બીજું 16 જૂને કાટમાળમાંથી મળી આવ્યું હતું. AAIB ના DG તપાસનું નેતૃત્વ કરી રહ્યા છે. તપાસ ટીમમાં ભારતીય વાયુસેના, હિન્દુસ્તાન એરોનોટિક્સ લિમિટેડ (HAL) અને યુએસ નેશનલ ટ્રાન્સપોર્ટેશન સેફ્ટી બોર્ડ (NTSB) ના નિષ્ણાતોનો સમાવેશ થાય છે.

AAIB ના પ્રારંભિક તપાસ અહેવાલમાં ફ્લાઇટની અંતિમ ક્ષણોની ટાઈમલાઈન, કોકપીટમાં થયેલ વાતચીત, પાઇલટ્સ દ્વારા કરવામાં આવેલા નિયંત્રણ ઇનપુટ્સ, એરક્રાફ્ટ સિસ્ટમ ડેટા, હવામાન પરિસ્થિતિઓ અને એર ટ્રાફિક કંટ્રોલ સાથેની વાતચીતની વિગતોનો સમાવેશ થાય છે.

NTSB ટીમ હાલમાં દિલ્હીમાં હાજર છે. તે AAIB લેબમાં ભારતીય અધિકારીઓ સાથે મળીને ટેકનિકલ તપાસમાં રોકાયેલું છે. આ ઉપરાંત, બોઇંગ અને GE (જનરલ ઇલેક્ટ્રિક) ના અધિકારીઓ પણ ટેકનિકલ સહાય માટે દિલ્હીમાં હાજર છે. ખાસ વાત એ છે કે આ તપાસ ટીમમાં એવિએશન મેડિકલ નિષ્ણાતો અને એર ટ્રાફિક કંટ્રોલ અધિકારીઓનો પણ સમાવેશ કરવામાં આવ્યો છે.

અગાઉ, ગંભીર વિમાન અકસ્માતોના બ્લેક બોક્સને ડીકોડ કરવાનું કામ ભારતની બહાર કરવામાં આવ્યું હતું. ઉદાહરણ તરીકે, 1996 ના ચરખી દાદરી અકસ્માતમાં, બ્લેક બોક્સને મોસ્કો અને યુકેમાં ફાર્નબરોમાં ડીકોડ કરવામાં આવ્યું હતું.

2010ના મેંગલોર અકસ્માતમાં, રેકોર્ડરને અમેરિકાના NTSB દ્વારા રિપેર અને ડીકોડ કરવામાં આવ્યું હતું. તેવી જ રીતે, 2015ના દિલ્હી અકસ્માતમાં, કેનેડાની મદદ લેવામાં આવી હતી અને 2020ના કોઝિકોડ અકસ્માતમાં, અમેરિકાની મદદ લેવામાં આવી હતી.

Ahmdabad | ahmedabadplanecrash | government

#government #Ahmdabad #ahmedabadplanecrash