આગામી 7 દિવસ રાજ્યમાં મધ્યમથી ભારે વરસાદની આગાહી હવામાન વિભાગે કરી

રાજ્યના હવામાન વિભાગ દ્વારા ફરી એક વખત વરસાદને લઈને આગાહી વ્યક્ત કરવામાં આવી છે. આગામી 7 દિવસ હળવાથી મધ્યમ વરસાદની આગાહી વ્યક્ત કરવામાં આવી છે. રાજ્યમાં આજે ઓરેન્જ એલર્ટની સાથે ભારે વરસાદની આગાહી વ્યક્ત કરવામાં આવી છે.

રાજ્યના કચ્છ, સાબરકાંઠા, અરવલ્લી અને મહીસાગર જિલ્લામાં અતિભારે વરસાદનું ઓરેન્જ એલર્ટ આપવામાં આવ્યું છે. ત્યારે બનાસકાંઠા, પાટણ, મહેસાણા. ગાંધીનગર, ખેડા, પંચમહાલ, દાહોદ, અમદાવાદ, સુરેન્દ્રનગર, મોરબી, જામનગર, દેવભૂમિ દ્વારકા, તાપી, ડાંગ, નવસારી, વલસાડ, દમણ અને દાદરા નગરહવેલીમાં યલો એલર્ટ આપવામાં આવ્યું છે. આ સાથે જ આગામી દિવસો માટે માછીમારોને પણ દરિયો ન ખેડવા માટે સૂચના આપવામાં આવી છે.