વડોદરા:PM મોદીના આગમન પહેલા ગૃહરાજ્ય મંત્રી અને પ્રદેશ અધ્યક્ષ દ્વારા કરાયું સ્થળ નિરીક્ષણ

વડાપ્રધાન નરેન્દ્ર મોદી અને સ્પેનના વડાપ્રધાન પેડ્રો સાન્ચેઝ વડોદરાના મહેમાન બનવાના છે.તારીખ 28મી ના રોજ PM મોદી સાથે સ્પેનના PM સાન્ચેઝ વડોદરામાં 2.5 કિલોમીટરનો રોડ શો કરીને લોકોનું અભિવાદન ઝીલશે.આ પ્રસંગે ખાસ વડોદરામાં ટાટા કંપનીના નવા પ્લાન્ટનું પણ PM મોદીના હસ્તે ઉદ્ઘાટન કરવામાં આવશે. 

પીએમ મોદીના આગમન અગાઉ રાજ્યના ગૃહમંત્રી હર્ષ સંઘવી અને પ્રદેશ અધ્યક્ષ સી આર પાટીલે વડોદરાની મુલાકાત લીધી હતી,અને સર્કિટ હાઉસ ખાતે વડોદરા શહેર પોલીસ,એરપોર્ટ ઓથોરિટી ઓફ ઇન્ડિયા,CISFના અધિકારીઓ સહિતની એજન્સીઓ સાથે બેઠક કરી હતી.અને સુરક્ષા વ્યવસ્થા અંગેની મહત્વપૂર્ણ ચર્ચા વિચારણા કરવામાં આવી હતી.