વલસાડ : મહિલા બેંક માંથી 5 કરોડથી વધુની લોન ફ્રોડમાં ભેજાબાજની ધરપકડ કરતી પોલીસ

વલસાડમાં મહિલા બેંક સાથે લોનમાં છેતરપિંડીનો મામલો 
ભેજાબાજે રૂપિયા 5 કરોડથી વધુની લોનમાં કરી છેતરપિંડી
છેતરપિંડીમાં પૂર્વ મેનેજર સહિત 11 લોકોની સંડોવણી
મુખ્ય ભેજાબાજની પોલીસે મહારાષ્ટ્રથી કરી ધરપકડ
કોર્ટે આરોપીના 3 દિવસના રિમાન્ડ કર્યા મંજૂર   

વલસાડમાં મહિલા બેંક સાથે પાંચ કરોડથી વધુની લોન છેતરપિંડીના ભેજાબાજ આરોપીને સીટી પોલીસે  મહારાષ્ટ્ર પોલીસની મદદથી ઝડપી પાડ્યો હતો. આરોપીએ બેંકના મેનેજર સાથે સાંઠગાંઠ કરી લોન મંજૂર કરાવીને છેતરપિંડી આચરી હતી.પોલીસ દ્વારા હાલ વધુ તપાસ હાથ ધરવામાં આવી છે. 

વીઓ:
વલસાડની મહિલા બેંકમાં ડિરેક્ટરોને વિશ્વાસમાં લીધા વિના ગેરકાયદેસર રીતે લોન મંજૂર કરી છેતરપિંડી આચરવામાં આવી હોવાના કૌભાંડનો પર્દાફાશ થયો હતો. બેંકના મહિલા ડિરેક્ટરોએ કૌભાંડ પકડી પાડ્યા બાદ વલસાડ સીટી પોલીસ મથકે મહિલા બેંકમાં પૂર્વ મેનેજર સહિત સંડોવાયેલા 11 ઈસમો સામે છેતરપિંડીની ફરિયાદ નોંધાવી હતી. આ  કેસમાં પોલીસ ધરપકડથી ભાગતા ફરતા આરોપી બાબુ જયેશ ઠાકુરને મુંબઈના નાગપાળાની એક હોટલમાંથી વલસાડ પોલીસે બાતમીના આધારે મહારાષ્ટ્ર પોલીસની મદદથી ઝડપી પાડ્યો હતો. અને વલસાડ કોર્ટે આરોપીના 3 દિવસના રિમાન્ડ મંજુર કર્યા હતા.વલસાડની મહિલા બેંકના ડિરેકરોએ થોડા સમય પહેલા મહિલા બેંકના ડિફોલ્ડરો સાથે વાતચીત દરમ્યાન અને ડિફોલ્ટરોની મંજૂર થયેલી લોનના કાગળો ચેક કરતા મહિલા બેંકના પૂર્વ મેનેજર સોહમ દેસાઈ તેમના સાગરીતો સાથે મળીને ખોટા દસ્તાવેજી કાગળો તૈયાર કર્યા હોવાનું બહાર આવ્યું હતું. બેંકના બોર્ડ ઓફ ડિરેક્ટરોની જાણ બહાર બેંકના પૂર્વ મેનેજરે લોન મંજુર કરી બેંક સાથે કુલ 5 કરોડ જેટલી છેતરપિંડી આચરી હતી. અને બેંકના ઓફિસરે વલસાડ સીટી પોલીસ મથકે ફરિયાદ નોંધાવી હતી.તે કેસમાં પોલીસ ધરપકડથી ભાગતા ફરતા બાબુ જયેશ ઠાકુર મહારાષ્ટ્રના મુંબઈના નાગપાળા વિસ્તારમાં આવેલી એક હોટલમાં રોકાયો હોવાની બાતમી વલસાડ પોલીસની ટીમને મળી હતી. મળેલી બાતમીના આધારે વલસાડ પોલીસે મહારાષ્ટ્ર પોલીસની મદદ લઈને નાગપાળાની એક હોટલમાંથી આરોપીને ઝડપી પાડ્યો હતો. મહારાષ્ટ્ર પોલીસે આરોપીની અટકાયત કરી પ્રાથમિક પૂછપરછ કરતા તે વલસાડની મહિલા બેંકના 5 કરોડ થી વધુ છેતરપિંડી કેસમાં સંડોવણી હોવાની કબૂલાત કરી હતી. વલસાડ સીટી પોલીસે આરોપીની ધરપકડ કર્યા બાદ કોર્ટમાં રજૂ કરી રિમાન્ડની માંગણી કરતા વલસાડ કોર્ટે આરોપીના 3 દિવસના રિમાન્ડ મંજુર કર્યા છે.