• જિલ્લા મહેસુલ કર્મચારી મંડળ હડતાળ પર ઉતર્યું

• પોતાની પડતર માંગોને લઈને હડતાળનું આયોજન

• હડતાળના પગલે કેટલીક સેવાઓને થઈ છે અસર

• કર્મચારીઓએ કલેક્ટર કચેરીએ વિરોધ પ્રદર્શન કર્યું

• હડતાળના પગલે અજરદારોને ધક્કો ખાવાની નોબત 

વલસાડ જિલ્લા મહેસુલ કર્મચારી મંડળ પોતાની પડતર માંગોને લઈને હડતાળ પર ઉતરતા કેટલીક સેવાઓને અસર થઈ હતી. કર્મચારીઓએ વલસાડ કલેક્ટર કચેરી ખાતે વિરોધ પ્રદર્શન કરી પોતાની માંગો પૂરી કરવા સૂત્રોચાર કર્યા હતા.

વલસાડ જિલ્લાના મહેસુલ કર્મચારીઓ પોતાની પડતર માંગોને લઈને આજે હડતાળ પર ઉતર્યા છે. મહેસુલ કર્મચારીઓએ વલસાડ કલેક્ટર કચેરી ખાતે વિરોધ પ્રદર્શન કરી પોતાની માંગો પૂરી કરવા સૂત્રોચાર કર્યા હતા. છેલ્લા કેટલાક સમયથી રાજ્યના મહેસુલી કર્મચારીઓ કેટલીક નીતિ વિષયક વહીવટી માંગોને લઈ સરકાર સમક્ષ રજૂઆત કરી રહ્યા હતા.

જેમાં બદલી, પ્રમોશન અને સિનિયોટી યાદી સહિતની નીતિવિષયક માંગો સરકાર સમક્ષ પેન્ડિંગ હતી. તેમ છતાં હજુ સુધી કોઈ નિવેડો નહીં આવતા આખરે આજે મહેસુલી કર્મચારીઓ હડતાળ પર ઉતરતા સરકારની કેટલીક સેવાઓને પણ અસર થઈ હતી. વલસાડ કલેક્ટર કચેરીએ કામ અર્થે આવેલ અજરદારોને ધક્કો ખાવાની નોબત આવી હતી. તો બીજી તરફ, વહેલી તકે પડતર સમસ્યાઓનું નિવારણ લાવવામાં આવે તેવી મહેસુલ કર્મચારીઓ માંગ કરી રહ્યા છે.