વધુ પડતું તડકામાં બહાર નીકળવાથી થઈ શકે છે સન પોઈઝનિંગઃ બચવા માટે અજમાવો આ ટીપ્સ

ઉનાળાની ઋતુ શરૂ થઈ ચૂકી છે. તડકાના કારણે સનબર્ન અને ટેનિંગની સમસ્યા ખૂબ સામાન્ય છે. પરંતુ શું તમે જાણો છો કે તમને સૂર્યપ્રકાશથી સન પોઈઝનિંગ પણ થઈ શકે છે. કેટલાક લોકોને લાગે છે કે સન બર્ન અને સન પોઈઝનિંગ બંને એક જ છે. તમને જણાવી દઈએ કે સનબર્નની તુલનામાં સન પોઈઝનિંગ ખૂબ જ ખતરનાક હોય છે. સન પોઈઝનિંગ જ સન બર્નનું ઘાતક રૂપ હોય છે. તે ત્યારે થાય છે જ્યારે તમે લાંબા સમય સુધી સૂરજના પારજાંબલી કિરણોના સંપર્કમાં રહો છો. તેને ઠીક કરવા માટે મેડિકલ ટ્રીટમેન્ટ લેવી પડે છે. આવામાં આજે તમને તેના લક્ષણો અને તેનાથી બચવાના ઉપાયો વિશે જણાવીશું.

• સન પોઈઝનિંગના લક્ષણો શું છે?

- ત્વચા લાલ થઈ જાય છે અને દુખાવો થાય છે

- ત્વચા પર પોપડી વળી જાય છે અને ફોલ્લા પડે છે

- માથામાં દુખાવો થાય છે

- ચક્કર આવવા

- ડિહાઈડ્રેશન થવુ

- મૂંઝવણનો અનુભવ થવો

- ઉબકા અને ઉલ્ટી થવી

- બેભાન થઈ જવું

સન પોઈઝનિંગ જો વધુ જાય તો પરુ કે પાણી નીકળવા લાગે છે. કેટલાક દિવસોમાં તેમાં દુખાવો અને સોજો આવવા લાગે છે. સન પોઈઝનિંગ જ્યારે શરીરમાંથી ઈલેક્ટ્રોલાઈટ્સ નીકાળી દે છે ત્યારે તમારી અંદર ફૂલોના ગંભીર લક્ષણ જોવા મળે છે. તમને ઉબકા જેવું લાગશે અને મૂંઝવણ વધશે, તીવ્ર ઠંડી લાગશે અને સ્નાયઓમાં ખેંચાણ જોવા મળી શકે છે.

· સન પોઈઝનિંગથી બચવાના ઉપાયો

- સનસ્ક્રીનનો ઉપયોગ કરો, 30 એસપીએફથી ઉપરવાળા સનસ્ક્રીન લોશનનો ઉપયોગ કરો

- બહાર નીકળવાના આશરે અડધો કલાક પહેલા સનસ્ક્રીનનો ઉપયોગ કરો

- ત્વચાને સંપૂર્ણપણે કવર કરીને જ ઘરની બહાર નીકળો

- બહાર નીકળતી વખતે કોટનના કપડા પહેરો અને ટાઈટ કપડા પહેરવાનું ટાળો

- ડાર્ક કલરના કપડા પહેરવાનું ટાળો, આ સાથે જ માથાને ટોપી અથવા કપડાથી કવર કરો

- દિવસમાં સવારે 10.00 વાગ્યાથી લઈને સાંજે 4.00 વાગ્યા સુધી ઘરની બહાર નીકળવાનું ટાળો

- પોતાને વધુમાં વધુ હાઈડ્રેટ રાખવાના પ્રયત્ન કરો

- જો તમને વધારે પડતો પરસેવો થતો હોય તો દર 2 કલાકે સનસ્ક્રીન જરૂર લગાવો