બાળક હોય કે પુખ્ત, દરેક વ્યક્તિ સ્વાદનું વધારે ખ્યાલ રાખતા હોય છે,પરંતુ સાથે સાથે સ્વાસ્થ્યનું ધ્યાન રાખવું પણ ખૂબ જ જરૂરી છે. આ દિવસોમાં, લોકો બિનઆરોગ્યપ્રદ ખોરાક ખાવાથી ઝડપથી મેદસ્વીતાનો શિકાર બને છે. વજન જાળવી રાખવા માટે આહારનું ધ્યાન રાખવું ખૂબ જ જરૂરી છે. આવી સ્થિતિમાં આજે અમે તમને એક એવી રેસિપી જણાવવા જઈ રહ્યા છીએ જે ટેસ્ટી હોવાની સાથે હેલ્ધી પણ છે. તો ચાલો જાણીએ કે પાલક મગ દાળના પુડલાને ઘરે કેવી રીતે બનાવશો.
પાલક મગ દાળના પુડલાની સામગ્રી :-
પીળી મગની દાળ – 250 ગ્રામ, ચણાની દાળ – 100 ગ્રામ, દહીં – 1/2 કપ, પાલક બારીક સમારેલી – 50 ગ્રામ, ડુંગળી બારીક સમારેલી – 1, લીલા ધાણા બારીક સમારેલા-થોડા, લીલા મરચા સમારેલા – 2, છીણેલું આદુ – 1 ઇંચ, જીરું – 1 ચમચી, હળદર – 1/2 ચમચી, લાલ મરચું પાવડર – 1/4 ચમચી, લીંબુનો રસ – એક ટેબલસ્પૂન, મીઠું – સ્વાદ મુજબ, તેલ – જરૂર મુજબ.
પાલક મગ દાળના પુડલા બનાવવાની રીત :-
– સૌ પ્રથમ પહેલા મગની દાળ અને ચણાની દાળને સારી રીતે ધોઈને આખી રાત પલાળી રાખો. સવારે તેમાં સમારેલી પાલક ઉમેરીને મિક્સરમાં સારી રીતે પીસી લો. ત્યાર બાદ તેમાં દહીં ઉમેરો અને તેને પણ પીસી લો.
– આ પછી, તેને એક મોટા બાઉલમાં કાઢી લો અને પછી તેમાં ડુંગળી, ધાણાજીરું, લીલા મરચાં, આદુ, હળદર પાવડર, મરચું પાવડર, લીંબુનો રસ, જીરું અને સ્વાદ મુજબ મીઠું નાખીને બરાબર મિક્ષ કરી લો.
– તે ન તો ખૂબ પાતળું હોવું જોઈએ અને ન તો ખૂબ જાડું હોવું જોઈએ. હવે તવા પર એક ચમચો તેલ મુકો અને જ્યારે તે ગરમ થઈ જાય, ત્યારે આ બેટરને પાથરો અને તેનો ગોળ આકાર બનાવો અને પછી થોડી વાર પછી બીજી બાજુ પણ ફેરવો અને તેને સારી રીતે પકાવો. આ રીતે બધા પુડલા તૈયાર કરો.
– જો તમારી પાસે નોન-સ્ટીક તવી હોય તો તમે આ ચીલાને ઘી કે તેલ વગર તૈયાર કરી શકો છો.
– તો તૈયાર છે ટેસ્ટી અને હેલ્ધી પાલક મૂંગ દાળના પુડલા. તેને કોઈપણ ચટણી કે સોસ સાથે સર્વ કરી શકાય છે.
