અવિમુક્તેશ્વરાનંદ સરસ્વતીની મુશ્કેલીમાં વધારો,યૌન શોષણ કેસમાં ફરિયાદ દાખલ કરવા પોલીસને કોર્ટનો આદેશ

જ્યોતિષ પીઠના શંકરાચાર્ય સ્વામી અવિમુક્તેશ્વારનંદ સરસ્વતી વિરુદ્ધ યૌન શોષણના આરોપ મામલે એડીજે રેપ એન્ડ પોક્સો સ્પેશિયલ કોર્ટથી મોટો આદેશ સામે આવ્યો છે.

એડીજે પોક્સો એક્ટ વિનોદ કુમાર ચૌરસિયાએ સ્વામી અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગિરી વિરુદ્ધ ફરિયાદ દાખલ કરવાનો નિર્દેશ આપ્યો છે. કોર્ટે પોલીસને કેસ નોંધવા અને કાયદા મુજબ તપાસ કરવાનો આદેશ આપ્યો છે. કોર્ટના આદેશ બાદ હવે ઝુસી પોલીસ સ્ટેશનમાં કેસ નોંધવામાં આવશે.

શકુંભરી પીઠાધીશ્વર આશુતોષ બ્રહ્મચારી મહારાજે ભારતીય દંડ સંહિતાની કલમ 173 (4) હેઠળ અરજી દાખલ કરી હતી, જેમાં ફરિયાદ નોંધવા અને કડક કાર્યવાહી કરવાની માંગ કરવામાં આવી હતી. 13 ફેબ્રુઆરીના રોજ કોર્ટમાં આરોપો લગાવનારા બે સગીરોના નિવેદનો રેકોર્ડ કરવામાં આવ્યા હતા, જેમાં વીડિયોગ્રાફી પણ સામેલ હતી. કોર્ટે પોલીસ રિપોર્ટની પણ નોંધ લીધી હતી અને સુનાવણી બાદ પોતાનો નિર્ણય અનામત રાખ્યો હતો. કોર્ટના આદેશના આધારે હવે કેસમાં આગળની કાનૂની કાર્યવાહી શરૂ કરવામાં આવશે. આશુતોષ બ્રહ્મચારીએ દાવો કર્યો હતો કે તેમણે કથિત ઘટનાઓ ધરાવતી સીડી કોર્ટમાં રજૂ કરી છે.