બિહાર : મધેપુરામાં ટ્રક-ઓટો રિક્ષા વચ્ચે અકસ્માત, 4 લોકોના મોત

મધેપુરા જિલ્લામાં સોમવારે સવારે એક ભયાનક માર્ગ અકસ્માતમાં ચાર લોકોના કરૂણ મોત થયા હતા. ત્યાં બે લોકો ગંભીર રીતે ઘાયલ થયા છે. ઘટના વિશે જણાવવામાં આવી રહ્યું છે કે જિલ્લાના ચૌસા પોલીસ સ્ટેશન વિસ્તારના ઘોષાઈ ટાવર પાસે સોમવારે સવારે એક ટ્રક અને ઓટો રિક્ષા વચ્ચે જોરદાર ટક્કર થઈ હતી. અકસ્માત એટલો ભયંકર હતો કે ટ્રકની ટક્કરથી ઓટો રિક્ષાના ફુરચા ઉડી ગયા હતા. જેમાં સવાર ચાર લોકોના ઘટના સ્થળે જ મોત થયા હતા. જ્યારે અન્ય બે ઘાયલોને એમ્બ્યુલન્સ દ્વારા હોસ્પિટલમાં લઈ જવામાં આવ્યા છે.