છત્તીસગઢઃ બાલોદમાં ભયાનક માર્ગ અકસ્માત, 5 મહિલાઓ અને 2 બાળકો સહિત 11ના મોત..!
બાલોદ જિલ્લામાં એક ભયાનક માર્ગ અકસ્માત થયો છે. જેમાં 11 લોકોના મોત થયા છે. ઘટના બાદ સ્થળ પર હોબાળો મચી ગયો હતો.
BY Connect Gujarat Desk4 May 2023 3:18 AM GMT
X
Connect Gujarat Desk4 May 2023 3:18 AM GMT
છત્તીસગઢના બાલોદ જિલ્લામાં એક ભયાનક માર્ગ અકસ્માત થયો છે. જેમાં 11 લોકોના મોત થયા છે. ઘટના બાદ સ્થળ પર હોબાળો મચી ગયો હતો. એવું કહેવાય છે કે આ મોટો માર્ગ અકસ્માત બાલોદ જિલ્લાના જગતારા પાસે થયો હતો. મૃતકોમાં 5 મહિલાઓ અને 2 બાળકોનો સમાવેશ થાય છે.
બાલોદના પુરુર અને ચર્મા વચ્ચે બાલોદગાહાન પાસે લગ્ન સમારોહમાં જઈ રહેલી બોલેરો અને ટ્રક વચ્ચે અથડામણમાં 10 લોકોનાં મોત થયાં છે અને એક છોકરીની હાલત ગંભીર હોવાનું જાણવા મળ્યું છે. તમામ લોકો ધમતારી જિલ્લાના સોરામ ભટગાંવના રહેવાસી હોવાનું કહેવાય છે.
તમામ બારાતીઓ લગ્ન સમારોહમાં હાજરી આપવા માટે કાંકેર જિલ્લાના મરકાટોલા ગયા હતા. પરત ફરતી વખતે બાલોદ જિલ્લાના જગાત્રા પાસે આ ઘટના બની હતી. પોલીસ ઘટનાસ્થળે પહોંચી ગઈ છે. મામલાની તપાસ ચાલી રહી છે.
Next Story