મહારાષ્ટ્રમાં કોંગ્રેસે 23 ઉમેદવારોની બીજી યાદી જાહેર કરી જાણો કોને ક્યાંથી મળી ટિકિટ

મહારાષ્ટ્રના ચૂંટણી જંગમાં કોંગ્રેસે 23 ઉમેદવારોની બીજી યાદી જાહેર કરી છે. યાદીમાં મોટાભાગના નામ વિદર્ભ ક્ષેત્રના છે. કોંગ્રેસે નાગપુર દક્ષિણથી ગિરીશ પાંડવ, વર્ધાથી શેખર શિંદે અને યવતમાલથી અનિલ માંગુલકરને ટિકિટ આપી છે. કોંગ્રેસ આજે જ ઉમેદવારોની ત્રીજી યાદી જાહેર કરશે.

કોંગ્રેસ દ્વારા બે દિવસ પહેલા પ્રથમ યાદી જાહેર કરવામાં આવી હતી જેમાં 48 ઉમેદવારોના નામ સામેલ હતા.

કોંગ્રેસ અનુસાર, ભુજબલથી રાજેશ તુકારામ, જલગાંવથી સ્વાતિ વાકેકર, સાવનેરથી અનુજા સુનિલ કેદાર, ભંડારાથી પૂજા ઠક્કર, રાલેગાંવથી બસંત પુરકે, કામથીથી સુરેશ ભવર, અર્જુનીથી દિલીપ બંસોડ, બસાઈથી વિજય પાટીલને ઉમેદવાર બનાવવામાં આવ્યા છે.

કોંગ્રેસે અત્યાર સુધીમાં 71 નામ જાહેર કર્યા છે. પાર્ટી દ્વારા આજે અંતિમ યાદી પણ જાહેર કરવામાં આવશે. કોંગ્રેસે હાલમાં 85 સીટો જાહેર કરી છે, પરંતુ કહેવામાં આવી રહ્યું છે કે પાર્ટી ઓછામાં ઓછી 90-95 સીટો પર ઉમેદવારો ઉભા રાખશે. આ માટે સાથી પક્ષો સાથે વાતચીત ચાલી રહી છે.

આ પહેલા કોંગ્રેસે પ્રથમ યાદીમાં દિગ્ગજ નેતાઓના નામ જાહેર કર્યા હતા. કોંગ્રેસની પ્રથમ યાદીમાં કુલ 48 ઉમેદવારોની ઘોષણા કરવામાં આવી હતી, જેમાં વિપક્ષના નેતા વિજય વડેટ્ટીવાર, પ્રદેશ અધ્યક્ષ નાના પટોલે, પૂર્વ સીએમ પૃથ્વીરાજ ચવ્હાણ અને બાળાસાહેબ થોરાટના નામનો સમાવેશ થાય છે.

મહાવિકાસ આઘાડીએ અત્યાર સુધીમાં 196 બેઠકો માટે ઉમેદવારો જાહેર કર્યા છે. જેમાં 80 બેઠકો પર શિવસેના (UBT) ઉમેદવારો, 71 બેઠકો પર કોંગ્રેસ અને 45 બેઠકો પર NCP (શરદ) ઉમેદવારોના નામ સામેલ છે.

મહારાષ્ટ્રમાં 288 વિધાનસભા બેઠકો છે અને મહાવિકાસ અઘાડીમાં 6 પક્ષો છે. સીપીએમ, શેતકરી અને સપાની તસવીરો હજુ સુધી સાફ થઈ નથી. સપા 5 સીટોની માંગ કરી રહી છે.