દેશમાં ફરી ફેલાઈ રહ્યો છે કોરોના વાયરસ, છેલ્લા 24 કલાકમાં 2 દર્દીઓના મોત..!

ભારતમાં કોરોના વાયરસ ફરી ફેલાઈ રહ્યો છે અને કેસ વધી રહ્યા છે. સ્વાસ્થ્ય મંત્રાલયે ગુરુવારે જણાવ્યું કે છેલ્લા 24 કલાકમાં કોરોના વાયરસના 760 નવા કેસ નોંધાયા છે. તેમજ કોવિડ-19ને કારણે બે દર્દીઓના મોત થયા છે.

સ્વાસ્થ્ય મંત્રાલયે કહ્યું કે નવા કેસ આવવાની સાથે દેશમાં સક્રિય કેસની કુલ સંખ્યા વધીને 4,423 થઈ ગઈ છે. આરોગ્ય મંત્રાલયે કહ્યું કે ગુરુવારે સવારે 8 વાગ્યે અપડેટ થયેલા ડેટા અનુસાર, 24 કલાકમાં કેરળ અને કર્ણાટકમાંથી એક-એક દર્દીનું મોત થયું છે. તમને જણાવી દઈએ કે ગયા વર્ષે 5 ડિસેમ્બર સુધીમાં દૈનિક કેસની સંખ્યા ઘટીને ડબલ ડિજિટ પર આવી ગઈ હતી, કોરોનાના નવા વેરિઅન્ટની શોધ બાદ તેના કેસ ઝડપથી વધી રહ્યા છે.