આફતાબ કરતાં પણ વધુ ઘાતકી હત્યારો "દિલદાર", લોખંડ કાપવાના મશીનથી પત્નીના કર્યા ટુકડા..!

ઝારખંડના સાહિબગંજ જિલ્લામાં તેની પત્નીની ઘાતકી હત્યાના સંબંધમાં પોલીસે શનિવારે (17 ડિસેમ્બર) દિલદાર અંસારી નામના વ્યક્તિની ધરપકડ કરી હતી. પીડિતની ઓળખ રૂબિકા પહારી નામની 22 વર્ષની આદિવાસી મહિલા તરીકે થઈ છે. આ મામલો ત્યારે સામે આવ્યો જ્યારે સાહિબગંજના બોરિયો સંથાલી વિસ્તારમાં આંગણવાડી કેન્દ્રની પાછળ પીડિતાના શરીરના 12 ટુકડા મળી આવ્યા. જ્યારે એક વ્યક્તિએ આંગણવાડી કેન્દ્રની પાછળ એક સ્વાનને મહિલાના પગ અને છાતીના ટુકડા ખાતા જોયો હતો. હવે આ ઘટના સામે આવ્યા બાદ પોલીસનું નિવેદન પણ સામે આવ્યું છે.

સંથાલ ડીઆઈજી સુદર્શન પ્રસાદ મંડલે જણાવ્યું કે રૂબિકા પહારી દિલદાર અંસારીની બીજી પત્ની હતી. જેની પહેલાથી પત્ની હતી. આ તેમના અંગત વિવાદનું કારણ હતું. આ કારણે તેઓએ તેની હત્યા કરી નાખી અને તેના ટુકડા કરી નાખ્યા. તપાસમાં તેના પતિની સંડોવણી સામે આવી છે.

સાહિબગંજના દિલદાર અન્સારી પર તેની 22 વર્ષની પત્ની રૂબિકા પહાડીના કટર વડે બાર ટુકડા કરવાનો આરોપ છે. મૃતક રૂબિકા પહાડી પ્રેમ લગ્ન બાદ તેના પતિ દિલદાર અંસારી સાથે બેલટોલા ખાતેના એક મકાનમાં રહેતી હતી. દિલદાર પર આરોપ છે કે લગ્નના થોડા દિવસો બાદ જ તેની પત્ની સાથે ઝઘડો થવા લાગ્યો હતો. આખરે ઝઘડાથી કંટાળીને તેણે ખતરનાક પ્લાન બનાવ્યો અને પછી તેની પત્નીની હત્યા કરી અને તેના શરીરના ઈલેક્ટ્રીક કટર વડે 12 ટુકડા કરી નાખ્યા. પછી તેને આંગણવાડી કેન્દ્રની પાછળ ફેંકી દીધો.