ગૃહમંત્રી અમિત શાહની હાઇલેવલ મીટિંગ, દેશમાં PFI પર સૌથી મોટા એક્શનને લઈને ચર્ચા...

કેરલ, તમિલનાડુ અને યુપી સહિત દેશના 10 રાજ્યોમાં NIA અને EDની ટીમોએ PFIના રાજ્યથી લઈને જિલ્લા સ્તરના નેતાના ઘરો પર દરોડા પાડ્યા છે,

author-image
By Connect Gujarat in દેશ સમાચાર
New Update
ગૃહમંત્રી અમિત શાહની હાઇલેવલ મીટિંગ, દેશમાં PFI પર સૌથી મોટા એક્શનને લઈને ચર્ચા...

કેરલ, તમિલનાડુ અને યુપી સહિત દેશના 10 રાજ્યોમાં NIA અને EDની ટીમોએ PFIના રાજ્યથી લઈને જિલ્લા સ્તરના નેતાના ઘરો પર દરોડા પાડ્યા છે, અને તેમના 100થી વધુ કેડરોની ધરપકડ કરી છે. આ સંદર્ભે કેન્દ્રીય ગૃહમંત્રી અમિત શાહે તેમના નિવાસ સ્થાને એક મહત્વની બેઠક બોલાવી છે. આ બેઠકમાં એનએસએ, એનઆઈએના મહાનિર્દેશક, ગૃહ સચિવ અને અન્ય વરિષ્ઠ અધિકારીઓ હાજર રહ્યા હતા.

દેશભરમાં ટેરર ફંડિંગ અને કેમ્પ ચલાવવાના મામલે પીએફઆઈ એટલે કે, પોપ્યુલર ફ્રન્ટ ઓફ ઈન્ડિયા વિરુદ્ધ મોટું અભિયાન ચલાવવામાં આવ્યું છે. કેરળ, તમિલનાડુ અને યુપી સહિત દેશના 10 રાજ્યોમાં NIA અને EDની ટીમોએ PFIના રાજ્યથી લઈને જિલ્લા સ્તરના નેતાના ઘરો પર દરોડા પાડ્યા છે, અને તેમના 100થી વધુ કેડરોની ધરપકડ કરી છે. આ સંદર્ભે કેન્દ્રીય ગૃહમંત્રી અમિત શાહે તેમના નિવાસ સ્થાને એક મહત્વની બેઠક યોજી છે. આ બેઠકમાં એનએસએ, એનઆઈએના મહાનિર્દેશક, ગૃહ સચિવ અને અન્ય વરિષ્ઠ અધિકારીઓ હાજર છે. આ વચ્ચે જોવા જઈએ તો, NIA અને EDની રડાર પર પીએફઆઈના ચેરમેન ઓએમએ સલામ પણ છે, જેમના ઘરે અડધી રાત્રે દરોડા પાડવામાં આવ્યા હતા. કેન્દ્રની મોટી બેઠક હાલ ચાલી રહી છે. સૂત્રોના જણાવ્યા અનુસાર, NIA અને EDની ટીમે રાજ્ય પોલીસ સાથે મળીને 10 રાજ્યોમાં દરોડા પાડ્યા અને આ દરમિયાન PFIના 100થી વધુ કેડરની ધરપકડ કરવામાં આવી હતી. NIAએ કોઈમ્બતુર, કુડ્ડલોર, રામનાડ, ડીંડુગલ, થેની અને થેનકાસી સહિત તમિલનાડુમાં અનેક સ્થળોએ PFIના પદાધિકારીઓના ઘરની તપાસ કરી હતી.

#India #Home Minister #BeyondJustNews #discussion #Connect Gujarat #high level meeting #PFI #Amit Shah
Related Articles
Read the Next Article

1 જુલાઈથી આ વાહનોને પેટ્રોલ-ડીઝલ કે CNG નહીં મળે, દિલ્હી સરકારની મોટી જાહેરાત

1 જુલાઈથી દિલ્હીમાં 10 વર્ષ જૂના ડીઝલ અને 15 વર્ષ જૂના પેટ્રોલ અને CNG વાહનોને ઈંધણ મળશે નહીં. પેટ્રોલ પંપ પર ANPR કેમેરા લગાવવામાં આવશે અને ઉલ્લંઘન પર કાર્યવાહી કરવામાં આવશે.

author-image
By Connect Gujarat Desk in દેશ સમાચાર
New Update
cng petrol

1 જુલાઈથી દિલ્હીમાં 10 વર્ષ જૂના ડીઝલ અને 15 વર્ષ જૂના પેટ્રોલ અને CNG વાહનોને ઈંધણ મળશે નહીં. પેટ્રોલ પંપ પર ANPR કેમેરા લગાવવામાં આવશે અને ઉલ્લંઘન પર કાર્યવાહી કરવામાં આવશે. વાયુ પ્રદૂષણ અટકાવવા માટે સરકારે આ પગલું ભર્યું છે.

દિલ્હી સરકારે 1 જુલાઈથી એન્ડ-ઓફ-લાઇફ (EOL) વાહનોને ધ્યાનમાં રાખીને કડક અમલીકરણ નીતિની જાહેરાત કરી છે. આ નવા નિયમને અસરકારક રીતે લાગુ કરવા માટે, સરકારે સત્તાવાર રીતે સ્ટાન્ડર્ડ ઓપરેટિંગ પ્રોસિજર (SOP) જારી કર્યા છે. જેમાં ઇંધણ સ્ટેશનો અને અમલીકરણ અધિકારીઓ માટે સ્પષ્ટ સૂચનાઓ આપવામાં આવી છે.

આ નવા નિયમ અંતર્ગત 15 વર્ષથી વધુ જૂના પેટ્રોલ અને CNG વાહનો અને 10 વર્ષથી વધુ જૂના ડીઝલ વાહનોને એન્ડ-ઓફ-લાઇફ વાહનો તરીકે ઓળખવામાં આવશે એટલે કે આ વાહનોનું આયુષ્ય હવે સમાપ્ત થઈ ગયું માનવામાં આવશે. 

આ વાહનોને દિલ્હીના પંપ પર સ્થાપિત ઓટોમેટેડ નંબર પ્લેટ રેકગ્નિશન (ANPR) સિસ્ટમ દ્વારા ઓળખવામાં આવશે. આ અંગે સરકારે સ્પષ્ટ આદેશ આપ્યો છે કે દિલ્હીના કોઈપણ પંપ પર આ વાહનોને કોઈપણ અપવાદ વિના ઇંધણ (પેટ્રોલ, ડીઝલ અથવા CNG) આપવાનો ઇનકાર કરવો ફરજિયાત છે. 

આ વાહનોને સરળતાથી ઓળખવા માટે, તમામ પેટ્રોલ પંપ પર ઓટોમેટેડ નંબર પ્લેટ રેકગ્નિશન (ANPR) સિસ્ટમ ઇન્સ્ટોલ કરવામાં આવી છે. જે કેમેરાની મદદથી વાહનની નંબર પ્લેટ પર નજર રાખશે. આવા વાહનોની ઓળખ થતાં જ સ્થળ પર હાજર ઇંધણ પંપ એટેન્ડન્ટ વાહન માલિકને ઇંધણ આપવાનો ઇનકાર કરશે. 

આ સાથે જ આ નવા નિયમ અંગે જાણકારી આપવા માટે ઓપરેટરોને પંપ પર આ પ્રતિબંધ વિષે ચેતવણી આપતા તમામ ચિહ્નો મુખ્ય રીતે પ્રદર્શિત કરવાનો નિર્દેશ આપવામાં આવ્યો છે.

પરિવહન વિભાગ અન્ય અમલીકરણ એજન્સીઓ સાથે આ SOPs ના પાલન પર સતર્કતાથી દેખરેખ રાખશે. જો નિયમોનું પાલન નહીં થાય તો તેમના વિરુદ્ધ કડક કાર્યવાહી કરવામાં આવશે. કાર્યવાહીના ભાગરૂપે જો આવા વાહન મળી આવે છે તો તે વાહન જપ્ત પણ થઈ શકે છે. 

આ ઉપરાંત જો પેટ્રોલ પંપ માલિકો આ નિયમોનો અમલા કરવામાં નિષ્ફળ જાય છે અથવા માર્ગદર્શિકાનું પાલન કરવાનો ઇનકાર કરે છે તેમને મોટર વાહન એક્ટ, 1988 હેઠળ દંડ આપવામાં આવશે. 

આ નિયમને અમલમાં લાવીને રાજ્ય સરકાર રસ્તાઓ પરથી જૂના અને વધુ પ્રદૂષિત વાહનોને દૂર કરીને દિલ્હીમાં વાહનોનું પ્રદૂષણ ઘટાડવા માંગે છે. આ કડક નિયમો લાગુ કરીને, દિલ્હી સરકાર સ્વચ્છ હવાને પ્રોત્સાહન આપવાની અને આરોગ્ય ધોરણોમાં સુધારો કરવાનો પ્રયત્ન કરી રહી છે. 

#Petrol #CNG #Delhi government