મણિપુરમાં વધુ એક ચકચારી બનાવ, 2 યુવતીઓ પર ગેંગરેપ કરી બંનેની હત્યા કરવામાં આવી…
મણિપુરમાં 4 મેના રોજ ટોળા દ્વારા બે મહિલાઓને નિર્વસ્ત્ર કરીને રસ્તા પર પરેડ કરાવવામાં આવી હતી. તે જ દિવસે અન્ય બે છોકરીઓ પર દુષ્કર્મ અને હત્યા કરવામાં આવી હતી.
આ ઘટના અન્ય ઘટના સ્થળથી 40 કિમી દૂર કાંગપોકપી જિલ્લાના કોનુંગ મામંગ વિસ્તારમાં બની હતી. પીડિતો સાથે કામ કરનાર એક વ્યક્તિએ જણાવ્યું કે એક છોકરી 21 વર્ષની અને બીજી 24 વર્ષની હતી. બંને ગેરેજમાં કામ કરતી હતી. તે દિવસે મહિલાઓ પણ ભીડમાં આવી હતી.
મહિલાઓએ જ ભીડમાં હાજર પુરુષોને તેમની સાથે દુષ્કર્મ કરવા કહ્યું હતું. આ પછી તેઓ છોકરીઓને રૂમમાં લઈ ગયા. લાઈટ બંધ કરી. તેમના મોં પર કપડું બાંધેલું હતું. દોઢ કલાક બાદ તેને ખેંચીને બહાર કાઢવામાં લાવી હતી. તેના શરીર પર કપડાં નહોતાં. યુવતીઓ લોહીથી લથપથ હતી. તેના વાળ પણ કપાયા હતા.
બંને છોકરીઓ પર બળાત્કાર કરવામાં આવ્યો હતો, અત્યાચાર ગુજારવામાં આવ્યો હતો અને બાદમાં નિર્દયતાથી હત્યા કરવામાં આવી હતી. આ ઘટનામાં 100-200 લોકો હાજર હોવાનો ઉલ્લેખ છે. આ કેસ હવે પોરોમપાટ પોલીસ સ્ટેશનમાં ટ્રાન્સફર કરવામાં આવ્યો છે. પોલીસને હજુ સુધી પીડિતોના મૃતદેહ મળ્યા નથી.
