મુકેશ અંબાણીએ બદ્રીનાથ-કેદારનાથ મંદિરમાં કર્યું રૂ.10 કરોડનું દાન

રિલાયન્સ ઈન્ડસ્ટ્રીઝના ચેરમેન મુકેશ અંબાણીએ કેદારનાથ અને બદ્રીનાથ મંદિરોની મુલાકાત લીધી હતી અને આ બંને પવિત્ર મંદિરોને મોટી રકમનું દાન પણ આપ્યું છે. તમને જણાવી દઈએ કે બદ્રીનાથ પહોંચ્યા બાદ મુકેશ અંબાણીનું બદ્રીનાથ-કેદારનાથ મંદિર સમિતિ (BKTC)ના અધ્યક્ષ હેમંત દ્વિવેદીએ સ્વાગત કર્યું અને પરંપરાગત ઉત્તરાખંડી ટોપી ભેટમાં આપી છે.

બદ્રીનાથ અને કેદારનાથની મુલાકાત દરમિયાન મુકેશ અંબાણીએ 10 કરોડ રૂપિયાનું દાન કર્યું છે. મુકેશ અંબાણીએ હેમંત દ્વિવેદીને કહ્યું કે મુખ્યમંત્રી પુષ્કર સિંહ ધામીના નેતૃત્વમાં આ વર્ષે ચારધામ યાત્રા ખૂબ જ સારી રીતે યોજાઈ રહી છે. તેમણે સમજાવ્યું કે ધામી સરકારે યાત્રા માર્ગમાં ઘણી જગ્યાએ યાત્રાળુઓ માટે ઉત્તમ સુવિધાઓ ઉભી કરી છે. આવી સલામત અને સુવ્યવસ્થિત વ્યવસ્થા અન્ય ધાર્મિક સ્થળોએ ભાગ્યે જ જોવા મળે છે.