મુંબઈ: ગણેશ વિસર્જન દરમિયાન સર્જાઈદુર્ઘટના; સમુદ્રમાં ડૂબ્યા પાંચ બાળકો, કોન્સ્ટેબલે બેના જીવબચાવ્યા

મુંબઈમાં ગણપતિ વિસર્જન દરમિયાન એક મોટી દુર્ઘટના બની. વિસર્જન દરમિયાન વર્સોવા બીચ વિસ્તારમાં પાંચ બાળકો ડૂબી ગયા હતા. બે બાળકોને ડૂબ્યા બાદ બચાવી લેવામાં આવ્યા હતા જ્યારે ત્રણ બાળકોની શોધ ચાલુ છે. બચાવેલા બાળકોને સારવાર માટે કૂપર હોસ્પિટલમાં મોકલવામાં આવ્યા હતા જ્યારે બાકીના ત્રણ બાળકોની શોધ ચાલુ છે. બાળકો દરિયામાંથી બહાર આવતા જ પોલીસ નાઈક મનોજ પોહનેકરે તેમને ખભા પર ઉપાડી લીધા. પોલીસ કર્મચારી મનોજ પોળણેકર તેને દોડીને એમ્બ્યુલન્સમાં લઈ ગયા. સમયસર હોસ્પિટલ પહોંચવાના કારણે બંને બાળકોનો જીવ બચી ગયો હતો.

Advertisment

ઘટના બાદ ફાયર બ્રિગેડ વિભાગ દ્વારા ત્રણ બાળકોની શોધખોળ માટે કામગીરી ચાલી રહી છે. આ બાળકોને શોધવા માટે લાઈફ બોય અને મનીલા રોપ, ફ્લડ રેસ્ક્યુ ટીમ દ્વારા એક અભિયાન ચલાવવામાં આવી રહ્યું છે. આ અભિયાનમાં ડૂબી ગયા હતા તે જગ્યા અને આસપાસની જગ્યાએ એલઇડી લાઇટ દ્વારા ફેરી બોટનો ઉપયોગ કરવામાં આવી રહ્યો છે. ત્રણેય બાળકોને શોધવા માટે પોલીસ બોટ પાસેથી પણ મદદ લેવામાં આવી છે.

બચાવને ધ્યાનમાં રાખીને ફ્લડ લાઇટ પણ ચાલુ રાખવામાં આવી છે. ફાયરબ્રિગેડ અને પોલીસ આ ત્રણેય બાળકોને વહેલી તકે બહાર કાઢવાનો પ્રયાસ કરી રહી છે. જણાવી દઈએ કે આ ઘટના શનિવારે બની હતી. આ ઘટના બાદથી પોલીસ દ્વારા એક અભિયાન ચલાવવામાં આવી રહ્યું છે, પરંતુ આજ સુધી આ ત્રણ બાળકોની કોઈ ભાળ મળી નથી.