New Update
લોકસભા ચૂંટણી બાદ સરકાર બનાવવાના પ્રયાસો શરૂ થઈ ગયા છે. આ સંબંધમાં બુધવારે સાંજે 4 વાગ્યે પીએમના નિવાસસ્થાને NDAની પ્રથમ બેઠક યોજાઈ હતી. એક કલાક ચાલેલી બેઠકમાં મોદીને NDAના નેતા તરીકે પસંદ કરવામાં આવ્યા હતા.
બેઠકમાં 16 પક્ષોના 21 નેતાઓએ ભાગ લીધો હતો. સૂત્રોના જણાવ્યા અનુસાર 7 જૂને એનડીએ સાંસદોની બેઠક બાદ સરકાર બનાવવાનો દાવો રાષ્ટ્રપતિ સમક્ષ રજૂ કરવામાં આવશે. રાજનાથ સિંહ, અમિત શાહ અને જેપી નડ્ડાને તમામ સહયોગીઓ સાથે વન ટુ વન વાત કરવા અને નવી સરકારના સ્વરૂપ અંગે ચર્ચા કરવાની જવાબદારી સોંપવામાં આવી છે.