શરદ પવારે કેન્દ્ર સરકાર પર જાસૂસીનો આરોપ લગાવ્યો,કહ્યું માહિતી કઢાવવા સુરક્ષા વધારી દેવાય

રાષ્ટ્રવાદી કોંગ્રેસ પાર્ટી (SCP)ના વડા શરદ પવારે ગુરુવારે  કેન્દ્ર પર જાસૂસીનો આરોપ લગાવ્યો હતો. નવી મુંબઈમાં પત્રકારો સાથે વાત કરતાં તેમણે કહ્યું- શક્ય છે કે મારી માહિતી કાઢવા માટે મારી સુરક્ષા વધારી દેવામાં આવી હોય.મહારાષ્ટ્રમાં વિધાનસભાની ચૂંટણી આવી રહી છે. કદાચ તેઓને કેટલીક મહત્વપૂર્ણ માહિતીની જરૂર છે. તેથી જ આ વ્યવસ્થા કરવામાં આવી હશે.

ગૃહ મંત્રાલયના અધિકારીએ મને કહ્યું કે મોહન ભાગવત અને અમિત શાહની સુરક્ષા પણ વધારી દેવામાં આવી છે.હકીકતમાં, મહારાષ્ટ્રમાં મરાઠા અનામત વિરોધી વિરોધને ધ્યાનમાં રાખીને કેન્દ્ર સરકારે 21 ઓગસ્ટના રોજ શરદ પવારને Z+ સુરક્ષા આપી હતી. પવારની સુરક્ષા માટે 10 વધારાના CRPF જવાનોને તૈનાત કરવામાં આવ્યા છે.થોડા દિવસો પહેલા ગુપ્તચર એજન્સીઓએ રાજ્યમાં અનામત સંબંધિત વિરોધને લઈને તેમની સુરક્ષાને લઈને એલર્ટ જાહેર કર્યું હતું.