RJD-JDU ગઠબંધનમાં તણાવ !નીતીશ આજે રાજ્યપાલને મળશે,મીટિંગ બપોરે 3:30 વાગ્યે થઈ શકે છે

બિહારમાં રાજકીય સંકટ છે. રાજનીતિમાં ભત્રીજાવાદ પર નીતીશ કુમારના નિવેદન બાદથી RJD અને JDU વચ્ચે તણાવ વધી ગયો છે. અહીંના રાજકારણમાં મોટી ઉથલપાથલના સંકેત દેખાઈ રહ્યા છે. આવી સ્થિતિમાં શુક્રવાર એટલે કે આજનો દિવસ ખૂબ જ મહત્વપૂર્ણ બની શકે છે.સમાચાર છે કે સીએમ નીતીશ કુમાર બપોરે 3.30 વાગ્યે રાજ્યપાલ રાજેન્દ્ર વિશ્વનાથ આર્લેકરને મળી શકે છે. જોકે, આ વાતની સત્તાવાર પુષ્ટિ થઈ નથી.બદલાતા રાજકીય ઘટનાક્રમને લઈને દિલ્હીમાં કેન્દ્રીય ગૃહ પ્રધાન અમિત શાહના ઘરે ગુરુવારે મોડીરાત્રે બિહાર ભાજપના નેતાઓની બેઠક યોજાઈ હતી, જે લગભગ 95 મિનિટ સુધી ચાલી હતી. પ્રદેશ અધ્યક્ષ સમ્રાટ ચૌધરીએ કહ્યું કે બેઠકમાં 2024ની લોકસભા ચૂંટણી પર ચર્ચા થઈ, નીતીશ કુમાર પર કોઈ ચર્ચા થઈ નથી.જેપી નડ્ડા, બિહાર-ઝારખંડ ક્ષેત્રીય સંગઠનના મહાસચિવ નાગેન્દ્ર, સંગઠન મહાસચિવ ભીખુભાઈ દલસાનિયા, રાજ્યસભાના સાંસદ સુશીલ મોદી, પૂર્વ ડેપ્યુટી સીએમ રેણુ દેવી, વિપક્ષના નેતા વિજય સિંહા આ બેઠકમાં હાજર હતા. અમિત શાહના ઘરે બેઠક પહેલા રાજ્યના પ્રભારી વિનોદ તાવડેના ઘરે 40 મિનિટની બેઠક યોજાઈ હતી.