ભારતનો સૌથી મોંઘો ડોગ, આ કોકેશિયન શેફર્ડ ડોગની કિંમત જાણીને થઈ જશો સ્તબ્ધ.!

ક્યારેક આ પ્રેમ એ હદે હોય છે કે લોકો મોંઘા ડોગ ખરીદતા પણ ખચકાતા નથી. પછી ભલે તેની કિંમત 20 કરોડ હોય. કર્ણાટકની રાજધાની બેંગલુરુમાં કંઈક આવું જ બન્યું છે. અહીં રહેતા સતીષે 20 કરોડમાં કોકેશિયન શેફર્ડ ખરીદ્યો છે. કોકેશિયન શેફર્ડને ખૂબ જ દુર્લભ જાતિ માનવામાં આવે છે અને તે સામાન્ય રીતે ભારતમાં જોવા મળતી નથી. તે રશિયા, તુર્કી, જ્યોર્જિયા, આર્મેનિયા, અઝરબૈજાન અને સર્કસિયા જેવા દેશોમાં જોવા મળે છે.

કોકેશિયન શેફર્ડ્સ ખૂબ જ હિંમતવાન, આત્મવિશ્વાસપૂર્ણ, નિર્ભય અને બુદ્ધિશાળી છે. જો કે તેમનો સ્વભાવ શાંત હોય છે, પરંતુ જ્યારે તેઓ ખતરો અનુભવે છે ત્યારે આક્રમક બનવામાં સમય નથી લાગતો. તેમનું વજન 45 થી 70 કિગ્રા છે. તેમના ભારે અને રુવાંટીવાળું શરીર જોઈને ભલભલાની હાલત કફોડી થઈ જાય છે. કોકેશિયન શેફર્ડને ગાર્ડિયન ડોગ તરીકે પણ ઓળખવામાં આવે છે. તેઓ પ્રેમાળ અને વફાદાર છે અને લગભગ 10 થી 12 વર્ષ જીવે છે.

પ્રાચીન સમયમાં, કોકેશિયન શેફર્ડ ડોગ્સનો ઉપયોગ જમીનને ઘુસણખોરોથી બચાવવા, વરુઓ અને અન્ય મોટા પ્રાણીઓથી પશુધનને બચાવવા અને અન્ય વિવિધ હેતુઓ માટે કરવામાં આવતો હતો. ફક્ત આ ડોગોની આસપાસ રહેવાથી લોકોને સલામતીની ભાવના મળે છે.

તેણે 20 કરોડના આ કોકેશિયન શેફર્ડનું નામ કેડાબોમ હૈદર રાખ્યું છે. હવે આ ડોગની ઉંમર દોઢ વર્ષની છે. લગભગ 6 મહિના પહેલા હૈદરાબાદના એક બ્રીડરે સતીશને કહ્યું કે તેની પાસે કોકેશિયન શેફર્ડ ડોગ છે. તે તરત જ તેને ખરીદીને ઘરે લઈ આવ્યો. તે હવે સતીશ સાથે તેમના એરકન્ડિશન્ડ ઘરમાં રહે છે. હજુ સુધી ઘણા લોકો આ વિશે જાણતા નથી. તેણે વિચાર્યું હતું કે તે નવેમ્બરમાં તેને લોકોની સામે લાવશે, પરંતુ પછી તેની રૂંવાટી પડવા લાગી અને હવે તે સંપૂર્ણ સાવચેતી રાખી રહ્યો છે.

હાલમાં, સતીશ ફેબ્રુઆરીમાં એક ભવ્ય કાર્યક્રમ કરવાનું આયોજન કરી રહ્યો છે. આમાં તે બધાને કેડબોમ હૈદરનો પરિચય કરાવશે. તેની પાસે બે કોકેશિયન શેફર્ડ ડોગ્સના ગલુડિયાઓ પણ છે. તેમને 5 કરોડમાં ખરીદ્યા હતા. તે કહે છે, 'હું કૂતરા અને ગલુડિયાઓને મારી સાથે રાખીશ. તેમને વધારાની સંભાળ અને પાલનપોષણની જરૂર છે અને મારી પાસે તેમની સંભાળ રાખવા માટે લોકો છે.