પહાડો હજુ પણ જોઈ રહ્યા છે બરફવર્ષાની રાહ, અડધો ડિસેમ્બર વીતી ગયા છતા ઠંડી ચમકારો બતાવતી નથી.!
ડિસેમ્બર મહિનો અડધો વીતી ગયો. થોડા દિવસો પછી વર્ષ પણ વિદાય લેશે. પરંતુ અત્યાર સુધી લોકોને એવી ઠંડીનો અનુભવ થયો નથી,
ડિસેમ્બર મહિનો અડધો વીતી ગયો. થોડા દિવસો પછી વર્ષ પણ વિદાય લેશે. પરંતુ અત્યાર સુધી લોકોને એવી ઠંડીનો અનુભવ થયો નથી, જે આ મહિનામાં સામાન્ય રહેતી હતી. હવામાન વિભાગે પણ આ અંગે ચિંતા વ્યક્ત કરી છે.
ભારતીય હવામાન વિભાગ (IMD) અનુસાર, મજબૂત વેસ્ટર્ન ડિસ્ટર્બન્સની ગેરહાજરીને કારણે ડિસેમ્બરમાં અત્યાર સુધી હિમાલયના ઉપરના અને નીચલા ભાગોમાં નહિવત હિમવર્ષા થઈ છે. તેની અસર એ થઈ છે કે અડધો ડિસેમ્બર વીતી ગયો હોવા છતાં મેદાની વિસ્તારોમાં ઠંડીની અસર ઓછી જોવા મળી રહી છે.
અત્યાર સુધીમાં ઓછામાં ઓછી એકથી બે મધ્યમ હિમવર્ષા થઈ હોવી જોઈએ, પરંતુ હિમાલયના ઘણા શિખરો પર હજુ સુધી બરફ પડ્યો નથી. વૈજ્ઞાનિકોના મતે, સામાન્ય રીતે ઉત્તરપશ્ચિમ ભારતમાં નવેમ્બરમાં બેથી ત્રણ મધ્યમથી મજબૂત વેસ્ટર્ન ડિસ્ટર્બન્સ અને ડિસેમ્બરમાં પણ બેથી ત્રણ વેસ્ટર્ન ડિસ્ટર્બન્સ જોવા મળે છે. જો કે, આ વર્ષે 10 નવેમ્બર પછી કંઈ જોવા મળ્યું નથી, જેના કારણે ડિસેમ્બરના હવામાનમાં કોઈ ખાસ ફેરફાર થયો નથી.