બેંગલુરુ એરપોર્ટને ઉડાવી દેવાની ધમકી, ભયનો માહોલ, તપાસમાં આ વાતનો ખુલાસો

બેંગલુરુના કેમ્પેગૌડા એરપોર્ટ પર બોમ્બ ધમકીથી ભયનો માહોલ. એક અઠવાડિયામાં આ બીજી ધમકી છે. તપાસમાં બંને વખત સાબિત થયું કે આ ધમકી અફવા હતી. એક અઠવાડિયામાં બીજી વખત એરપોર્ટ પર બોમ્બ ધમકીનો બનાવટી ઈમેલ મોકલવામાં આવ્યો છે. એરપોર્ટ સુરક્ષા દળને બોમ્બ ધમકીનો ઈમેલ મળ્યો હતો. આ ધમકીભર્યા ઈમેલમાં એક આતંકવાદીના નામનો દાવો કરવામાં આવ્યો હતો કે "આતંકવાદી અજમલ કસાબને ફાંસી આપવી ખોટી હતી." અને તેનો બદલો લેવામાં આવશે.

આ મહિનાની 13મી અને 16મી તારીખે,2 બોમ્બ ધમકીના ઈમેલ મોકલવામાં આવ્યા હતા. બંને ઈમેલમાં બે બોમ્બ મૂકવામાં આવ્યા હોવાની ચેતવણી આપવામાં આવી હતી અને કહેવામાં આવ્યું હતું કે જો પ્લાનAનિષ્ફળ જશે,તો પ્લાનBસક્રિય કરવામાં આવશે. તેમાં એવો પણ દાવો કરવામાં આવ્યો હતો કે એરપોર્ટના શૌચાલયની પાઇપલાઇનની અંદર બોમ્બ મૂકવામાં આવ્યો છે.

ધમકી મળતાં,સંપૂર્ણ તપાસ હાથ ધરવામાં આવી હતી અને અધિકારીઓએ તેને અફવા જાહેર કરી હતી. જે ઈમેલ આઈડી પરથી બોમ્બ ધમકી આપવામાં આવી હતી તેના વિરુદ્ધ કેસ નોંધવામાં આવ્યો છે અને તપાસ ચાલી રહી છે. કેમ્પેગૌડા એરપોર્ટ પોલીસે આ કેસની તપાસ શરૂ કરી છે.