શું હવે ટોલ પ્લાઝા હટી જશે? કેન્દ્રીય માર્ગ અને પરિવહન મંત્રીનું મોટું નિવેદન

કેન્દ્રીય માર્ગ અને પરિવહન મંત્રી નીતિન ગડકરીએ ટોલ પ્લાઝા મુદ્દે એક મોટું નિવેદન આપ્યું છે.તેમણે કહ્યું છે કે દેશભરમાંથી ટોલ પ્લાઝા દૂર કરવામાં આવશે. આ માટે ટૂંક સમયમાં નવી ટોલ નીતિ જાહેર કરવામાં આવશે. કેન્દ્રીય મંત્રીએ એમ પણ કહ્યું કે મુંબઈ-ગોવા હાઇવેનું કામ આ વર્ષે જૂન સુધીમાં પૂર્ણ થઈ જશે. સોમવારે મુંબઈના દાદરમાં આયોજિત એક કાર્યક્રમમાં મંત્રી નીતિન ગડકરીએ આ વાત કહી હતી.

Advertisment

નીતિન ગડકરીએ દેશભરમાંથી ટોલ પ્લાઝા દૂર કરવાની પોતાની પ્રતિબદ્ધતાનો પુનરોચ્ચાર કર્યો અને કહ્યું કે કેન્દ્ર સરકાર ટૂંક સમયમાં નવી ટોલ નીતિ જાહેર કરશે. જોકે, તેમણે આ અંગે વધુ માહિતી આપી ન હતી. તેમણે કહ્યું આગામી 15 દિવસમાં એક નવી નીતિ જાહેર કરવામાં આવશે. એકવાર આ લાગુ થઈ ગયા પછી કોઈને ટોલ વિશે ફરિયાદ કરવાનું કોઈ કારણ રહેશે નહીં.