મુંબઇ : બદલાપુરની એક કંપનીમાં મોડી રાત્રે થયો ગેસ લિક, સ્થાનિકોને શ્વાસ લેવામાં પડી તકલીફ

મોડી રાત્રે મુંબઇ નજીક બદલાપુરના ઔદ્યોગિક એમઆઈડીસી કેમ્પસમાં અંધાધૂંધી છવાઈ ગઈ હતી જ્યારે અહીંના નોબેલ ઇન્ટરમીડિયેટ પ્રાઇવેટ લિમિટેડ નામની કંપનીમાંથી ગેસ લિકેજ થવા લાગ્યું હતું. જેના કારણે નજીકમાં રહેતા લોકોને શ્વાસ લેવામાં તકલીફ થવા લાગી. આ ઘટના બાદ ફાયર બ્રિગેડની ટીમ તાત્કાલિક ઘટના સ્થળે પહોંચી ગઈ હતી અને વહેલી તકે ગેસ લિકેજ અટકાવ્યો હતો.

એવું કહેવામાં આવી રહ્યું છે કે કંપનીના ઓવરહિટીંગમાં સલ્ફ્યુરિક એસિડ અને બેન્જેમિન એસિડની રાસાયણિક પ્રતિક્રિયાને કારણે આ ગેસ લગભગ 3 કિ.મી.ના આસપાસના વાતાવરણમાં ફેલાવા લાગ્યો હતો અને લોકોને શ્વાસ લેવામાં તકલીફ પડતી હતી. પરંતુ સમયસર રાતના 11:30 વાગ્યા સુધીમાં આ ગેસ લિકેજની ઘટનાને કાબૂમાં આવી હતી. તે ભાગ્યની વાત છે કે હજી સુધી કોઈ પણ પ્રકારના જાન-માલના નુકસાનના સમાચાર નથી.